جموں میونسپل کارپوریشن نے بازاروں میں صفائی مہم چلائی

جموں// جموں میونسپل کارپوریشن نے سوئوچھ بھارت مشن کو کامیاب بنانے کی غرض سے کاوشوں کوجاری رکھتے ہوئے شہرکے مختلف بازاروں میںصفائی ستھرائی مہم چلانے کے ساتھ ساتھ کوڑادان بھی مہیاکرائے ۔اس دوران مہم کی قیادت جوائنٹ کمشنر (ایڈم ) آرایس جموال اور ہیلتھ آفیسر جموں میونسپل کارپوریشن ڈاکٹر انیتاسلگوترہ کررہی تھیں۔انہوں نے  ٹیم کے ہمراہ سائنس کالج کے سامنے والے بازار میں مارکیٹ ایسوسی ایشن کے صدر اشوک گپتا کی قیادت میں صفائی ستھرائی مہم شروائی اور کوڑے دان نصب کروائے۔اس موقعہ پر آرایس جموال نے مارکیٹ ایسوسی ایشن کوبتایاکہ بازاروں میں صفائی ستھرائی بہتربنانے کیلئے مزید کوڑے دان بھی مہیاکرائے جائیں گے۔ انہوں نے دکانداروں سے اپیل کی کہ وہ کچرے کو کوڑے دانوں میں ہی ڈالیں۔ انہوں نے مزیدکہاکہ اگر کوئی دکاندار میونسپل کارپوریشن ایکٹ 2000 کی خلا ف ورزی کامرتکب پایاگیاتو اس کے خلا ف کاروائی عمل میں لائی جائے گی۔اس دوران ایسوسی ایشنوں نے یقین دہانی کرائی کہ جے ایم سی کوتعاون دیاجائے گا۔