پرویز احمد
سرینگر // وادی میں مسلسل دوسرے دن بھی کورونا وائرس سے کوئی متاثر نہیں ہوا ہے جبکہ جموں صوبے میں 9افراد کو مثبت قرار دیا گیا ہے۔ متاثرین کی مجموعی تعداد 4لاکھ 79ہزار 229ہوگئی ہے۔ اس دوران جموں و کشمیر میں 20دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4785بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس کی تشخیص کیلئے 4ہزار 544ٹیسٹ کئے گئے جن میں 9افراد کی رپورٹیں مثبت آئی ہیں۔ کشمیر صوبے کے 10اضلاع جن میں سرینگر، بارہمولہ، بڈگام،پلوامہ، کپوارہ، اننت ناگ، بانڈی پورہ، گاندربل، کولگام اور شوپیان میں مسلسلس دوسرے دن بھی کسی کی رپورٹ مثبت نہیں آئی ہے۔ متاثرین کی مجموعی تعداد 3ہزار 5ہزار 210ہوگئی ہے۔ اس دوران کشمیر صوبے میں 37ویں دن بھی کسی کی موت نہیں ہوئی ہے۔ متوفین کی مجموعی تعداد 2433بنی ہوئی ہے۔ جموں صوبے کے6اضلاع جن میں ادھمپور،ڈوڈہ، کٹھوعہ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ دیگر 4اضلاع میں 9افراد کو مثبت قرار دیا گیا ہے جن میں ضلع جموں میں6، راجوری میں1، سانبہ میں 1جبکہ کشتواڑ میں ایک کی رپورٹ مثبت آئی ہے۔ متاثرین کی مجموعی تعداد بڑھ کر1لاکھ 74ہزار 19ہوگئی ہے۔ جموں صوبے میں مسلسل 20ویں دن بھی کسی کی موت نہیں ہوئی ہے۔ متوفین کی مجموعی تعداد2352بنی ہوئی ہے۔
