جموں اور سرینگر میں قیام و رسد کے مراکز قائم کرنے کا فیصلہ

 جموں//ایک اہم پیش رفت کے تحت دبئی پورٹ گروپ کا ایک اعلیٰ سطحی وفد اسکے چیئرمین و سی ای او سلطان احمد بن صلایم کی قیادت میں جموں وارد ہوا ۔اس وفد کی آمد کا مقصد جموں اور سرینگر میں ساحل سمندر سے دور اندرونی علاقہ میں قیام و رسد کے مراکز (INLAND LOGISTIC HUB) قائم کرنے کے طریقہ کار وضع کئے جائیں ۔یہاں وارد ہونے کے فورا بعد سلطان احمد بن صلائم نے اپنی ٹیم کے ہمراہ وزیر خزانہ ڈاکٹر حسیب درابو اور وزیرصنعت چندر پرکاش گنگا کے ساتھ الگ الگ ملاقاتیں کیں۔دبئی پورٹس گروپ وفد کی آمد وزیرخزانہ ڈاکٹر حسیب درابو کی حالیہ بجٹ تقریر میں کئے گئے اعلان کے تناظر میں ہوئی ہے جس میں انہوں نے اس سرکاری منصوبے کا خلاصہ کیا تھا کہ حکومت بیرونی سرمایہ کاری کیلئے ڈرائی پورٹ کا قیام عمل میں لارہی ہے تاکہ مقامی معیشت کو فروغ مل سکے۔سرینگر اور جموں میں ان تجارتی مراکز کے قیام کے حوالے سے جوائنٹ وینچر کی حیثیت سے یاداشت معاہدہ پردوبئی پورٹس اور ریاستی حکومت کے مابین سلطان احمد بن صلائم اور ڈاکٹر حسیب درابو کے درمیان پہلے ہی ہوئے تھے ۔میٹنگ میں یاداشت معاہدہ کے خد وخال پر تفصیلی تبادلہ خیال ہوا اور فیصلہ لیا گیا ہے کہ ریاستی حکومت پہلے مرحلے میں دوبئی پورٹس کو اس تجارتی مرکز کے قیام کیلئے جموں رئلوے اسٹیشن کے نزدیک100ایکڑ اراضی جبکہ کشمیر میں اومپورہ بڈگام میں اسی طرز پر زمین الاٹ کی جائے گی ۔میٹنگ میں بتایا گیا کہ دوبئی پورٹس کی طرف سے پہلے ہی 1500کروڑ روپے جموں اور کشمیر میں ان مراکز کے قیام کیلئے براہ راست غیر ملکی سرمایہ کاری کے تحت واگذار کئے جائیں گے جس میں دوڈرئی پورٹ،ویئرہائوس ،کولڈ سٹوریج چین ،وغیرہ شامل ہیں اور ان مراکز پر باغبانی و زراعت کی پیداوار ،دستکاری اورصنعتی ایشاء جموں وکشمیر سے براہ راست دنیا بھر کے بازاروں تک پہنچ سکیں گے ۔

 

دوبئی پوٹس چیئرمین کی وزیر اعلیٰ کیساتھ ملاقات