جمعرات کو307کیس ریکارڈ

جموں//صوبہ جموں میں کورونا معاملات میں کمی کا رجحان بدستور جاری ہے تاہم مسلسل کئی ہفتوں تک پیچھے رہنے کے بعد اب جموںصوبہ کشمیر صوبہ سے کورونا معاملات کے یومیہ معاملات میں آگے نکل گیا اور جمعرات کو بھی جہاں کشمیر صوبہ میںصرف240نئے معاملات سامنے آئے وہیں صوبہ جموں میں یہ تعداد307تھی جبکہ گزشتہ چوبیس گھنٹوں کے دوران صوبہ میں کووڈ کی وجہ سے مزید4لوگوں کی موت واقع ہوچکی ہے۔اس دوران مزید662افراد اس بیماری سے شفایاب ہوگئے ہیں۔کووڈ سے متعلق جاری کئے گئے سرکاری بلیٹن میں بتایاگیا کہ گزشتہ چوبیس گھنٹوں کے دوران ضلع جموں میں176،ضلع ادھم پور میں 13،ضلع راجوری میں09، ضلع کٹھوعہ میں 17،ضلع سانبہ میں 12،ضلع کشتواڑ میں 12،ضلع پونچھ میں04، ضلع رام بن میں39اور ضلع ریاسی میں03نئے معاملات سامنے آئے ہیں ۔ادھرپچھلے ایک ماہ سے کووڈ 19 کے معاملات میں مسلسل اضافہ ہونے کے بعد جمعرات کو ڈوڈہ میں صرف 22 نئے مثبت معاملات سامنے آئے ہیں جنہیں ہوم قرنطینہ میں رکھا گیا ہے اور 105 مریض صحتیاب ہوئے ہیں۔اس طرح سے ضلع میں فعال کیسوں کی تعداد سمٹ کر 827 و شفایاب ہوئے مریضوں کی مجموعی تعداد 9894 پہنچ گئی ہے۔ضلع میں اب تک کوؤڈ 19 سے 144 افراد فوت ہوئے ہیں اور 678888ٹیکے لگائے گئے ہیں۔ادھرجموں وکشمیر میں کوروناوائرس سے مرنے والوں کی مجموعی تعداد4,739تک پہنچ گئی ،جن میں سے 2,419کا تعلق کشمیر صوبہ سے اور2,320کاتعلق جموں صوبہ سے ہیں۔کووڈٹیکہ کاری کے بارے میں بلیٹن میں بتایا گیا ہے کہ گزشتہ چوبیس گھنٹوں کے دوران 52,941کووِڈ حفاظتی ٹیکے لگائے گئے ہیں جس سے ٹیکوں کی مجموعی تعداد 2,09,83,824تک پہنچ گئی ہے ۔اس کے علاوہ جموں و کشمیر میںزائد از 18 برس عمر کی صد فیصد آبادی کو ٹیکے لگائے جاچکے ہیں۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ اب تک نوول کورونا وائرس کے4,49,333معاملات سامنے آئے ہیں جن میں سے8,512(صوبہ جموں میں 3,288 اور کشمیر صوبے میں5,254)سر گرم معاملات ہیں۔اب تک 4,36,082افراد صحت یاب ہوئے ہیں ۔بلیٹن میں مزید کہا گیا ہے کہ اب تک 2,21,35,755ٹیسٹوں کے نتائج دستیاب ہوئے ہیں جن میں سے 10؍فروری 2022کی شام تک2,16,86,422نمونوں کی رپورٹ منفی اور 4,49,333 نمونوں کی رِپورٹ مثبت پائی گئی ہے۔علاوہ ازیں اب تک 59,22,581 افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں29,962افراد کو گھریلو قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔8,512فراد کوآئیسولیشن میں رکھا گیا ہے جبکہ4,38,227افراد کو گھروں میں نگرانی میں رکھا گیا ہے۔اسی طرح بلیٹن کے مطابق54,41,141افرادنے 28روزہ نگرانی مدت پوری کی ہے۔

 

رام بن// ضلع امیونائزیشن آفیسر رام بن ڈاکٹر سریش کے مطابق جمعرات کو محکمہ صحت نے ضلع میں 15سے17 سال کی عمر کے 907 بچوں سمیت 1328 لوگوں کو ویکسین کی خوراکیں دیں۔ اسی دوران پورے ضلع رام بن میں کووڈ پروٹوکول کو نافذ کرنے کے لیے نفاذ کی مہم کو جاری رکھتے ہوئے، انفورسمنٹ ٹیموں نے خلاف ورزی کرنے والوں پر اپنے اپنے دائرہ کار میں معائنہ کے دوران 38ہزار 500 روپے جرمانہ عائد کیا۔ تفصیلات کے مطابق یکم اپریل 2021سے لیکر اب تک جرمانے کی کل رقم 90 لاکھ 39ہزار 550 روپے وصول کی گئی۔ انفورسمنٹ افسران نے لوگوں سے چہرے کے ماسک پہننے اور جسمانی فاصلہ برقرار رکھنے کے علاوہ اپنے قریبی کویڈ ویکسی نیشن پر کوویڈ ویکسین کی خوراک لینے کی تاکید کی۔چیف میڈیکل آفیسر رام بن ڈاکٹر محمد فرید بھٹ کی طرف سے جاری کردہ یومیہ بلیٹن کے مطابق، محکمہ صحت نے 3978 نمونے اکٹھے کیے ہیں جن میں 731آر ٹی-پی سی آر اور 3247 آر اے ٹی نمونے شامل ہیں، اس کے علاوہ ضلع کے مختلف مخصوص ویکسینیشن مراکز میں 1328 افراد کو کووڈ ویکسین کی خوراکیں دی گئیں۔