عظمیٰ نیوزسروس
جموں//مرکزی وزیر جتیندر سنگھ نے اتوار کو جموں و کشمیر کے کٹھوعہ ضلع کی بلاور تحصیل کے ایک دور افتادہ علاقے میں تین شہریوں کے قتل میں دہشت گردوں کے ملوث ہونے کی طرف اشارہ کیا۔۔وزیر نے کہا کہ ہلاکتیں انتہائی تشویشناک ہیں۔انہوںنے ایکس پر لکھا’’ضلع کٹھوعہ کے بنی علاقے میںملی ٹینٹوں کے ہاتھوں 3 نوجوانوں کا وحشیانہ قتل انتہائی افسوسناک اور تشویشناک ہے۔ اس پرامن علاقے میں ماحول کو خراب کرنے کے پیچھے ایک گہری سازش دکھائی دیتی ہے‘‘۔انہوںنے مزید کہا’’ہم نے اس معاملے پر متعلقہ حکام سے بات کی ہے۔ مرکزی داخلہ سکریٹری خود جموں پہنچ رہے ہیں تاکہ موقع پر صورتحال کا جائزہ لیا جا سکے۔ مجھے یقین ہے کہ اس بات کو یقینی بنایا جائے گا کہ اس طرح کے واقعات دوبارہ نہ ہوں اور لوگوں کا اعتماد برقرار رہے‘‘۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔