عظمیٰ مانیٹرنگ ڈیسک
ماسکو//روس نے اپنی سرحدوں کے قریب امریکہ اور جاپان کی طرف سے تجویز کردہ فوجی مشق کے منصوبے کے خلاف جاپان سے سخت احتجاج درج کرایا ہے ۔روسی وزارت خارجہ نے جمعہ کو ایک بیان میں یہ اطلاع دی۔روس میں جاپانی سفارت خانے کو بھیجے گئے ایک احتجاجی پیغام میں وزارت نے کہا کہ اکتوبر کے آخر اور نومبر کے شروع میں ہونے والی مشترکہ مشقوں میں ہوکائیڈو کا علاقہ بھی شامل ہو گا جو روسی سرحد کے بالکل قریب واقع ہے ۔غیر علاقائی نیٹو کے رکن ممالک کی شرکت سمیت ان مشقوں کے بڑھتے ہوئے پیمانے کی طرف اشارہ کرتے ہوئے ، وزارت نے کہا کہ جاپانی فریق کو مطلع کیا گیا ہے کہ یہ مشق واضح طور پر ناقابل قبول ہے ۔روسی وزارت نے کہا کہ جاپانی سفارت خانے کو ماسکو کی جانب سے اپنی دفاعی صلاحیت کو مضبوط بنانے اور اپنی خودمختاری کے تحفظ کے لیے ناگزیر خاطر خواہ جوابی اقدامات کے بارے میں خبردار کیا گیا ہے ۔
