تنخواہوں کی واگذاری کامطالبہ

 جموں// محکمہ صحت میں مستقل بنیادپر تعینات ملٹی پرپز ورکرس (ایم پی ڈبلیو) عرصہ دراز سے تنخواہوں سے محروم ہیں۔اس سلسلہ میں ملازموں کی جانب کام چھوڑ ہڑتال شروع کی گئی ہے جو ساتویں ر وز بھی جاری رہی ۔سنیچر کوان ورکروں کے مطابق وہ پچھلے کئی ماہ سے تنخواہوں سے محروم ہیں اور اس وجہ سے ان کے معمولات زندگی بالکل متاثر ہو کر رہ گئے ہیں۔ احتجاج کے دوران انہوںنے کہاکہ یہ پہلی بار نہیں کہ انہیں اتنے ماہ تک تنخواہوں سے محروم رکھا گیا ہے بلکہ اس سے قبل بھی محکمہ ان کو کئی کئی ماہ تک تنخواہوں سے محروم رکھ کر ان کے لئے پریشانی کھڑی کرتا رہاہے۔انہوں نے کہا کہ وہ لوگ اپنا کام پوری لگن اور ایمانداری سے انجام دیتے ہیںلیکن اس کے عوض ان کی تنخواہیں ہی روک دی جاتی ہیں۔مقررین نے کہا کہ ملازموں کا سارا دارو مدار ان کی ماہوار تنخواہوں پر ہوتا ہے اور جب ان کی یہ تنخواہیں روک دی جاتی ہیں تو ان کے گھروں کا سارا نظام درہم برہم ہو جاتا ہے،یہاں تک کہ چولہے بھی نہیں جل پاتے ۔انہوں نے ریاستی سرکار خصوصی طور پر وزیر صحت سے اپیل کی کہ وہ محکمہ صحت کے ایم پی ڈبلیو ملازموں کی بقایا جات واگذار کریں اوراس بات کو یقینی بنایاجائے کہ مستقبل میں کبھی انہیں تنخواہوں کیلئے پریشان نہ ہوناپڑے ۔

 

طارق ابرار

جموں/تنخواہوں میں تفاوت سمیت دوسرے مطالبات کو لے کر سرکاری محکموں میں تعینات کلریکل سٹاف کی دوروزہ کام چھوڑہڑتال دوسری روزبھی جاری رہی۔آل ڈیپارٹمنٹس کلریکل سٹاف ایسوسی ایشن کے بینرتلے ان ملازمین نے دوسرے روزبھی جموں میں اپنی مطالبات کے حق میں زوردارنعرے بازی کی اور ان کے کہنا ہے کہ سرکارنے ان کے ساتھ جووعدہ کیاتھااس میں پوراکرنے میں وہ ناکام رہی ہے۔مظاہرین سے خطاب کرتے ہوئے مقررین نے ریاستی سرکارکی کلریکل کیڈرملازمین کے تئیں پالیسیوں کی مذمت کی۔ اس موقعہ پر بابوحسین ملک نے کہاکہ کلریکل کیڈرکوکرائی گئی یقین دہانیوں کے سلسلے میں حکومت غیرسنجیدگی کامظاہرہ کررہی ہے۔انہوں نے حکومت پر کلریکل کیڈرکی تنخواہ میں تفاوت دورکرنے سے متعلق سفارشات کولاگوکرنے میں ناکام رہنے کاالزام لگایا۔انہوںنے کہاکہ کلریکل کیڈر کے جائزمطالبات کواگرحکومت نے جلد پورانہ کیاتواحتجاج میں شد ت لائی جائے گی جس کی ذمہ داری حکومت پرعائدہوگی۔ مقررین نے ریاستی وزیراعلیٰ سے کلریکل کیڈرکی تنخواہوں میں تفاوت دورکرنے کی اپیل کی۔کلریکل سٹاف کی دوروزہ کام چھوڑہڑتال کی وجہ سے سرکاری محکموں میں کام کاج ٹھپ رہا جس کے باعث عوام کو کافی پریشانیوں کاسامناکرناپڑا۔