عظمیٰ نیوز سروس
سرینگر //جموںو کشمیر حکومت نے تمام انتظامی سیکریٹریز اور یوٹی سطح کے محکموں کے سربراہان کو 28مئی کو ہدایت دی ہے کہ وہ سول سیکرٹریٹ سرینگر میں اپنی جسمانی موجودگی کو یقینی بنائیں گے۔ جنرل ایڈمنسٹریشن ڈیپارٹمنٹ کی جانب سے جاری آفس میمو رنڈم میںمزید کہا گیا ہے کہ جموں سیکریٹریٹ میں حاضری صرف ان صورتوں میں کی جائے گی جہاں عملی ضرورت ہو۔ اس طرح کے دوروں کو سرکاری وجوہات کی بنا پر جائز قرار دیا جانا چاہیے۔میمورنڈم میں کہا گیا ہے کہ اس معاملے کو انتہائی ضروری سمجھا جا ئے۔جنرل ایڈمنسٹریشن ڈیپارٹمنٹ سول سیکرٹریٹ، جموں/سرینگر آفس میمورنڈم کے مطابق سرینگر میں سول سیکرٹریٹ کے کام کاج کے حوالے سے تمام انتظامی سیکرٹریوں کی توجہ گورنمنٹ آرڈر نمبر 539-JK(GAD) 2025 مورخہ 30.04.2025 کی طرف، مبذول کروائی جاتی ہے ، جو مذکورہ موضوع کے حوالے سے جاری کیا گیا تھا، جس میں یہ ہدایت کی گئی تھی کہ انتظامی سیکرٹریز اور یونین ٹیریٹری سطح کے افسران سیکرٹریٹ سرینگر میں 5 مئی سے اپنے محکموں میں حاضری کو یقینی بنائیں۔ یہ حکم نامہ 5مئی سے نافذ العمل ہے۔ حکم نامے میں مزید کہا گیا ہے کہ ان کی سول سیکرٹریٹ میں حاضری یقینی بنائی جائے۔ جموں میں کام کی ضروریات کے مطابق چلایا جائے گا۔
