سرینگر//پولیس نے بدھ کے روز کہا کہ پلوامہ ضلع کے بیگ پورہ نامی گاﺅں میں سیکورٹی فورسز اور جنگجوﺅں کے مابین جاری جھڑپ کے دوران ایک جنگجو جاں بحق ہوگیا ہے ۔
پولیس نے تاہم جاں بحق جنگجو کی شناخت کے بارے میں کچھ نہیں بتایا۔پولیس کے مطابق بیگ پورہ میں سیکورٹی فورسز کا آپریشن جاری ہے۔
پولیس کے مطابق فورسز نے اونتی پورہ، بیگ پورہ میں مصدقہ اطلاع ملنے کے بعد تلاشی آپریشن شروع کیا جس کے دوران چھپے جنگجوﺅں کے ساتھ رابطہ قائم ہوکر گولیوں کا تبادلہ ہوا۔
بیگ پورہ حزب المجاہدین کے آپریشنل کمانڈر ریاض نائیکو کا آبائی گاﺅں ہے۔
پولیس نے آج صبح اپنے ایک مختصر بیان میں بتایا کہ بیگ پورہ میں کوئی جنگجو کمانڈر فورسز کے محاصرے میں ہے۔
جھڑپ شروع ہوتے ہی پوری وادی کے اندر موبائیل انٹرنیٹ سروس معطل کی گئی ہے۔
تفاصیل کا انتظار ہے
