زاہدبشیر
گول// علاقہ بھیمداسہ میں کل بعد دوپہر ایک رہائشی مکان کو اچانک آگ لگی جس وجہ سے وہ مکمل طورپر خاکستر ہو گیا ۔ بتایا جاتا ہے کہ مشتاق احمد ولد قمر الدین کشمیری ساکنہ بھیمداسہ کے مکان کو اچانک آگ لگی جس وجہ سے آگ نے اناً فاناً پورے مکان کو اپنی لپیٹ میں لیا اور یہ دیکھتے دیکھتے راکھ کی ڈھیر میں تبدیل ہو گیا ۔ اگر چہ مقامی لوگوں نے اس کو بجھانے کی کافی کوشش کی لیکن یہاں پر پانی کی شدید قلت کی وجہ سے وہ اس کو بجھانے میں ناکام رہے ۔ بتایا جاتا ہے کہ مشتاق احمد کشمیری آج اس میں رہائش پذیر نہیں تھا اور اندازہ لگایا جا رہا ہے کہ یہ آگ آسمانی بجلی گرنے کی وجہ سے لگی ہے ۔
