ممبئی/ آج وانکھڑے اسٹیڈیم میں ہونے والے تیسرے اور آخری ٹوئنٹی-20 بین الاقوامی میچ میں بھی جیت حاصل کرکے ٹیم انڈیا سال کا اختتام 0-3 کے ساتھ کرنے کے ارادے سے اترے گی۔ ہندستان نے سیریز کا پہلا میچ 93 اور دوسرا میچ 88 رن سے جیت کر سیریز میں 0-2 کی سبقت حاصل کرلی ہے ۔ ہندستانی ٹیم نے اس سال سری لنکا کو اسی کی زمین پر تینوں فارمیٹس میں 0-9 سے دھویا تھا اور اب اپنی زمین پر گھریلو سیریز میں وہ سری لنکا کے خلاف پانچ میچ جیت چکا ہے ۔ ہندستان نے سری لنکا سے ٹسٹ سریز 0-1 سے اور ایک روزہ سیریز 1-2 سے جیتی ہے ۔ ہندستانی ٹیم کے لئے سا ل 2017 بہت کامیاب رہا۔ اس سال ٹیم انڈیا نے 14 ریکارڈ سیریز پر فتح پائی ہے اور دوسرے تیسرے میچ میں روہت اینڈ کمپنی کا مقصد سال کا اختتام 0-3 سے کرنا ہوگا۔ دوسری طرف سری لنکا کی ٹیم کی بھی کوشش ہوگی کہ مسلسل شکست جھیلنے اور ہندستانی ٹیم سے بری طرح شکست کھانے کے بعد کم سے کم وہ آخری میچ میں جیت حاصل کرے اور اپنا کچھ وقار بچاکر وطن لوٹے ۔ اندور میں جمعہ کو کھیلے گئے دوسرے میچ میں روہت اور لوکیش راہل نے سری لنکا کے خلاف اپنے جارحانہ کھیل کا مظاہرہ کیا۔ روہت نے محض 43 گیندوں میں 12 چوکے اور 10 چھکے لگاتے ہوئے ۔118 رن بنائے جبکہ راہل نے 89 رن بنائے ۔ ہندستان کے پانچ وکٹ پر 260 رن کے جواب میں سری لنکا کی ٹیم 17.2 اوور میں 172 رن ہی بناسکی۔ سری لنکا کے لئے اینجیلو میتھیو ز چوٹ کی وجہ سے بلے بازی نہیں کرپائے ۔ میتھیوز اس دورے میں سری لنکا کے سب سے کامیاب بلے باز رہے ۔ سری لنکا کے بلے بازوں کے لئے ہندستان کے دونوں اسپنروں کا کھیلنا بہت مشکل ثابت ہورہا ہے ۔ دوسرے میچ میں لیگ اسپنر چہل نے چار اور کلدیپ یادو نے تین وکٹ لے کر سری لنکا کی کمر توڑ دی سیریز میں 0-2 کی سبقت بنانے کے بعد ہندستان تیسرے میچ میں کچھ تبدیلی بھی کرسکتا ہے اور جن کھلاڑیوں کو اب تک موقع نہیں ملا ہے انہیں موقع دے سکتا ہے ۔ تیز گیند باز باسل تھمپی اور محمد سراج اور آف اسپنر آل را¶نڈر دیپک ہڈا کو آزمایا جاسکتاہے باسل اور ہڈا کوابھی اپنا بین الاقوامی کیرئر شروع کرنا ہے جبکہ سیریز میں نیوزی لینڈ کے خلاف ایک ٹوئنٹی 20 میچ کھیل چکے ہیں۔ ایسے میں جسپریت بمراہ یا ہاردک پانڈیا اور چہل یا کلدیپ میں سے کسی کو آرام دیا جاسکتا ہے ۔ وراٹ کوہلی کو آرام دیئے جانے کے بعد روہت شرما نے کپتانی کے فرائض بخوبی انجام دیئے ۔ روہت نے دھرمشالہ میں پہلا ونڈے ہرانے کے بعد شاندار واپسی کرتے ہوئے لگاتار چار میچوں اور دو سیریز جیت لی ہیں ۔ روہت کی پوری کوشش رہے گی کہ سال کا اختتام جیت کے ساتھ کریں تاکہ ٹیم نئے سال میں جنوبی افریقہ دورے کی شروعات بھی جیت کے ساتھ کرسکے ۔یو این آئی
بھارت، سری لنکا کے درمیان آج و انکھڑے اسٹیڈیم میں تیسرے اور آخری ٹوئنٹی20 میچ کھیلاجائیگا
