نئی دہلی// بھارتیہ جنتا پارٹی (بی جے پی) نے 2019 کے لوک سبھا انتخابات کے لئے جمعرات کو 182 امیدواروں کی پہلی فہرست جاری کی جس میں وزیر اعظم نریندر مودی وارانسی، بی جے پی صدر امت شاہ گاندھی نگر اور وزیر داخلہ راج ناتھ سنگھ کو لکھنؤ سیٹ سے امیدوار بنانے کا اعلان امیٹھی سے کانگریس صدر راہل گاندھی کے مقابلے میں بی جے پی نے اپنی تیز طرار لیڈر اور کپڑے کی وزیر اسمرتی ایرانی کو دوبارہ امیدوار بنایا ہے۔ بی جے پی کے بزرگ لیڈر اور سابق نائب وزیر اعظم لال کرشن اڈوانی کو ان کی روایتی سیٹ گاندھی نگر سے ٹکٹ نہیں دیا گیا ہے۔بی جے نے پہلی فہرست میں 182 امیدواروں کے ناموں کا اعلان کیاہے۔مرکزی وزیر نتن گڈکری کو دوبارہ ناگپور اور مہیش شرما کو گوتم بدھ نگر سے پارٹی نے ٹکٹ دیا ہے۔ اداکارہ ہیمامالنی متھرا سے ایک بار پھر قسمت آزمائیں گی۔بی جے پی نے گاندھی نگر سیٹ سے اڈوانی کے مقام پر پارٹی صدر امت شاہ کو امیدوار بنایا ہے۔ نڈا نے بتایا کہ بہار میں پارٹی کی طرف سے لڑی جانے والی تمام 17 سیٹوں کے لئے امیدواروں کو منتخب کر لیا گیا ہے اور ان کا اعلان اتحادیوں کے امیدواروں کے اعلان کے ساتھ کیا جائے گا۔وزیر مملکت برائے خارجہ جنرل وی کے سنگھ کو قومی دارالحکومت خطے کی غازی آباد سیٹ سے دوبارہ امیدوار بنایا گیاہے۔ اتر پردیش کے اناؤ سے ساکشی مہاراج پھر سے الیکشن لڑیں گے۔ مہاراشٹر میں ممبئی نارتھ سینٹرل سے پونم مہاجن بی جے پی کی امیدوار ہوں گی۔اروناچل ایسٹ سے مرکزی وزیر داخلہ کرن رجیجو، وزیر داخلہ ہنس راج چندراپور سے بی جے پی کے امیدوار ہوں گے۔اتر پردیش کے باغپت سے مرکزی وزیر ستیہ پال سنگھ اور مہاراشٹر کے دْھلے سے سبھاش بھامرے بی جے پی امیدوار ہوں گے۔ محنت کے مرکزی وزیر سنتوش گنگوار کو بریلی سے پارٹی نے پھر سے میدان میں اتارا ہے۔مغربی بنگال کے آسنسول سے مرکزی وزیر بابل سپریو کو امیدوار بنایا گیا ہے۔راجستھان کے بیکانیر سے مرکزی وزیر ارجن میگھوال کو ٹکٹ دیا گیا ہے۔ادھر بھاجپا کی طرف سے ریاست کی پانچ نشستوں کیلئے امیدواروں کا اعلان کردیا گیا ہے۔ڈاکٹر جیتندر سنگھ کو ادہمپور حلقے سے دوبارہ امیدوار نامزد کیا گیا ہے۔ جموں پونچھ نشست کیلئے جگل کشور شرما ایک بار پھر پارٹی کے امیدوار ہونگے۔ محمد مقبول وار کو بارہمولہ، خالد جہانگیر کو سرینگر اور ایم ایل سی محمدیوسف صوفی کو اننت ناگ سے ٹکٹ دی گئی ہے۔تاہم لداخ نشست کو ابھی التوا میں رکھا گیا ہے۔
بھاجپا کے 182امیدواروں کی پہلی فہرست جاری، مودی وارانسی سے انتخاب لڑیں گے
