یو این آئی
سرینگر// بھارتیہ جنتاپارٹی کے قومی صدر جے پی نڈا 7جنوری اتوار کو جموں وارد ہو رہے ہیں جہاں پر وہ آنے والے پارلیمانی انتخابات کے حوالے سے تیاریوں کا جائزہ لیں گے۔ بی جے پی قومی صدر سات جنوری کو جموں کے دورے پر آرہے ہیں۔معلوم ہوا ہے کہ دورے کے دوران بھاجپا صدر پارلیمانی چناو کی تیاری کے ساتھ ساتھ کور گروپ میٹنگ کے دوران پارٹی کو مزید مضبوط بنانے کے حوالے سے بھی سینئر لیڈران کے ساتھ تبادلہ خیال کریں گے۔بی جے پی کے سینئر لیڈر کویندر گھپتا نے اسکی تصدیق کرتے ہوئے بتایا کہ لوک سبھا انتخابات کے پیش نظر بی جے پی صدر کا دورہ غیر معمولی اہمیت کا حامل ہے۔
