یو این آئی
سرینگر// بٹہ مالو سر ینگر میں شبانہ آتشزدگی واردات میں 6 دکانیں اور ایک خالی ہوٹل کو نقصان پہنچا۔فائر اینڈ ایمرجنسی محکمہ کے ایک عہدیدار نے بتایا کہ درمیانی شب بٹہ مالو میں واقع ایک کمرشل عمارت سے آگ نمودار ہوئی۔انہوں نے بتایا کہ فائر اینڈ ایمرجنسی عملے کے اہلکار فوری طورپر جائے موقع پر پہنچے اور آگ بجھانے کی کارروائی شروع کی۔ان کے مطابق انتھک کوشش کے بعد آگ پر قابو پایا گیا تاہم آتشزدگی کی اس واردات میں کمرشل عمارت جس میں چھ دکانیں اورنیو اکبر نامی ایک ہوٹل شامل ہے، کو جزوی نقصان پہنچا ہے۔ تاہم اس سے پہلے کہ آگ کے شعلوں پر قابو پایا جا تا، چھت کو نقصان پہنچااور دوسری منزل کے ساتھ ’اورینٹل شو کمپنی ‘مکمل طور پر تباہ ہواجس کے ساتھ جوتوں کی دکان اور اسٹورکمرہ شامل ہے۔ پہلی منزل میں فرش کو بھی گرمی اور پانی کی وجہ سے نقصان پہنچا۔مذکورہ عہدیدار نے مزید بتایا کہ بارہ فائر ٹینڈروں کی مدد سے آگ پر قابو پایا گیا۔دریں اثنا پولیس نے آگ لگنے کی وجوہات جاننے کی خاطر کیس درج کرلیا گیا۔
