ظفر اقبال
اوڑی// لنگیٹ میں میدانن بونیار کے ایک مزدور کی پل کی تعمیر کے دوران موت واقع ہوئی۔ میدانن بونیار کے 23 سالہ محمد علی سود ولد معراج الدین سود لنگیٹ میں ایک نجی کمپنی ’سی پی پی ایل‘ کے ساتھ کچھ عرصے سے کام کرتا تھا ۔ سنیچر کی شام ایک پل کی شٹرنگ کے دوران محمد علی سود کی موت واقع ہوئی۔مقامی لوگوں نے بتایا کہ یہ خبر سنتے ہی پورے علاقے میں ماتم چھا گیا۔ادھر اتوار کو محمود علی سود کی لاش کو گھر لایا گیا اور پورے علاقے میں ماتم چھاگیا اور پرنم آنکھوں سے سپرد خاک کیا گیا۔مقامی لوگوں کے مطابق سود کی عیدالاضحی کے بعد شادی طے تھی۔لوگوں نے بتایا کہ موصوف دس افراد پر مشتمل کنبے کا واحد کمائو تھا ۔
زوجیلا حادثے میں زخمی ہوئی خاتون چل بسی
غلام نبی رینہ
کنگن//زوجیلا پرسنیچروار کو پیش آنے سڑک حادثے میں زخمی ہوئی مغربی بنگال کی خاتون زخموں کی تاب نہ لاکر دم توڑ بیٹھی ۔سونمرگ سے لداخ جارہی ایک کریٹاگاڑی زیر نمبر 2802L/ 23BH کو ذوجیلا پر حادثہ پیش آیا اور گاڑی ایک گہری کھائی میں جاگری جس کے نتیجے میں مغربی بنگال کے میاں بیوی شدید زخمی ہوگئے جن کو فوری طور پر علاج و معالجہ کیلئے پرائمری ہیلتھ سنٹر سونہ مرگ منتقل کیا گیا جہاں سے دونوں کو سکمز صورہ منتقل کیا گیا۔ زخمی ہوئی خاتون انو زوجہ پریتک منڈل ساکن ویسٹ بنگال زخموں کی تاب نہ لاکر دم توڑ بیٹھی جبکہ پریتک منڈل ہسپتال میں زیر علاج ہے۔ پولیس نے حادثے سے متعلق مقدمہ درج کرلیاہے۔
بانڈر پورہ لیتہ پورہ میں کشتی الٹ گئی | نوجوان ڈوب گیا، ریسکیو آپریشن جاری
سرینگر/یو این آئی/ ضلع پلوامہ کے لیتہ پورہ علاقے میں دریائے جہلم پر پیش آئے ایک افسوسناک حادثے میں دو افراد اُس وقت پانی میں ڈوب گئے جب ان کی کشتی دریا کے بیچوں بیچ پہنچنے پر تیز بہاؤ کے باعث الٹ گئی۔ موقع پر موجود افراد نے فوری طور پر بچاؤ کی کوششیں کیں، جن دوران ایک شخص کو بچا لیا گیا، تاہم دوسرا نوجوان ابھی تک لاپتہ ہے ۔عینی شاہدین کے مطابق، متاثرین ایک کشتی میں سوار ہو کر دریائے جہلم عبور کر رہے تھے کہ اچانک کشتی غیر متوازن ہو کر الٹ گئی۔ انہوں نے بتایا کہ کشتی کے الٹتے ہی دونوں افراد پانی میں گر گئے ، جس پر مقامی لوگوں نے فوری طور پر ریسکیو کارروائی شروع کی اور ایک شخص کو زندہ باہر نکال لیا۔حادثے کے بعد علاقے میں ہنگامی صورتحال پیدا ہو گئی اور مقامی لوگ، پولیس، ایس ڈی آر ایف اور دیگر متعلقہ ایجنسیاں جائے وقوعہ پر پہنچ گئیں۔ ریسکیو آپریشن ہنوز جاری ہے تاکہ دوسرے لاپتہ نوجوان کو تلاش کیا جا سکے ۔انتظامیہ نے لوگوں سے اپیل کی ہے کہ وہ دریائی راستوں کا استعمال کرتے وقت احتیاطی تدابیر اختیار کریں اور حفاظتی جیکٹس وغیرہ کا لازمی استعمال کریں تاکہ اس طرح کے حادثات سے بچا جا سکے ۔یو این آئی
