سرینگر//پولیس نے منگل کو کہا کہ بمنہ سرینگر کا وہ نوجوان جو ٹریکنگ کے دوران وسطی کشمیر میں لاپتہ ہواتھا ، ملی ٹنسی میں شامل ہوا ہے اور اُس نے حزب المجاہدین میں شمولیت اختیار کی ہے۔
ہمہامہ میں ایک تقریب کے حاشیئے پر نامہ نگاروں کے ساتھ بات کرتے ہوئے آئی جی کشمیر وجے کمار نے کہا کہ ہلال احمد ڈار نے جنگجووںکی صف میں شمولیت اختیار کی ہے۔
ہلال کشمیر یونیورسٹی میں پی ایچ ڈی کی ڈگری حاصل کررہا تھا اور وہ13جون کے روز گنگہ بل، گاندربل میں ٹریکنگ پر گیا تھا جہاں سے وہ واپس نہیں آیا۔
ہلال کے قریبی رشتہ داروں نے گذشتہ روز ایک احتجاجی مظاہرہ کرتے ہوئے ہلال کی بازیابی کا مطالبہ کیا۔
