بلاور میں سیکورٹیاور آپریشنل تیاریوں کا مشترکہ جائزہ | امن اور ہم آہنگی کو برقرار رکھنے کیلئےضروری اقدامات کرنیکی ہدایت

جموں//ڈی آئی جی جے کے ایس رینج شیو کمار شرما نے ڈاک بنگلہ بلاور میں سیکورٹی جائزہ اور آپریشنل تیاریوں کی میٹنگ کی۔ میٹنگ میں اے ڈی سی بلاور ایس ونئے کھوسلہ، ایس پی آپریشنز بلاور عامر، ایس ڈی پی او بلاور نیرج پڈیار / ایس ایچ او بلاور ظہیر منہاس، آرمی آفیسر، سی آر پی ایف کے افسران، آئی ٹی ایجنسیوں کے افسران اور سول محکمہ کے افسر نے شرکت کی۔ میٹنگ میں سیکورٹی کے موجودہ منظر نامے اور اینٹی نیشنل عناصر کے مذموم ڈیزائن کو ناکام بنانے کے لیے کیے جانے والے اقدامات کے بارے میںبحث ہوئی۔میٹنگ میں موجود افسران نے ملک دشمن عناصر کی موجودگی اور انہیں ختم کرنے کے لیے اٹھائے گئے قدم کے حوالے سے اپنے خیالات کا اظہار کیا۔ انہوں نے ڈی آئی جی کو آپریشنز کے دوران درپیش چیلنجز سے بھی آگاہ کیا۔ڈی آئی جی جے کے ایس رینج نے میٹنگ میں موجود تمام افسروں کو بریفنگ دی کہ وہ علاقے میں امن اور ہم آہنگی کو برقرار رکھنے کے لیے تمام ضروری اقدامات کریں۔ انہوں نےپولیس اور دیگر تمام سیکورٹی فورسز کی آپریشنل تیاریوں پر بھی توجہ مرکوز کی اور تمام ایجنسیوں کو مزید مربوط انداز اور ہم آہنگی سے کام کرنے کی ہدایت کی۔ انہوں نے دیگر تمام سول محکموں کو بھی ہدایت کی کہ وہ دور دراز کے علاقوں میں تعینات فورسز اور فورسز کے نئے قائم کیے گئے کیمپوں کی بہتری کے لیے سڑکوں کے اچھے رابطے، بجلی، پانی اور دیگر ترقیاتی ضروریات جیسے انفراسٹرکچر تیار کریں۔اختتام پر ڈی آئی جی جے کے ایس رینج نے امن اور ہم آہنگی کو برقرار رکھنے کے لیے اچھی ہم آہنگی اور مشترکہ کوششوں کے لیے تمام فورسز اور سول ہم منصبوں کی کوششوں کو سراہا۔بلاور کے عوام سے اپیل ہے کہ وہ پولیس، قریبی آرمی، ایس او جی کیمپوں، مقامی وی ڈی جی کو کسی بھی مشکوک افراد، مشکوک نقل و حرکت، اور سیکورٹی خدشات کے حوالے سے کسی قسم کی مدد کی ضرورت کے بارے میں بروقت اطلاع دیں۔ڈی آئی جی جے کے ایس رینج نے عوام سے امن اور فرقہ وارانہ ہم آہنگی برقرار رکھنے کی بھی درخواست کی، عوام افواہوں اور جعلی خبروں پر زیادہ توجہ نہ دیں، کچھ سماج دشمن اور ملک دشمن عناصر بلور کے پرامن ماحول کو خراب کرنے کی کوشش کر رہے ہیں، افواہ پھیلانے والوں کے خلاف سخت کارروائی کی جائے گی۔