برمنگھم میں شراپووا کو وائلڈ کارڈ

لندن//سابق نمبر ایک کھلاڑی روس کی ماریا شراپووا کو لان ٹینس ایسوسی ایشن (ایل ٹی اے ) نے اگلے ماہ برمنگھم میں ہونے والے ایگون کلاسک ٹینس ٹورنامنٹ کے لیے وائلڈ کارڈ داخلہ دیا ہے ۔شاراپووا ڈوپنگ کی وجہ سے 15 ماہ کی معطلی کے بعد گزشتہ ماہ ہی کورٹ پر لوٹی ہیں۔معطلی کی وجہ سے وہ درجہ بندی میں کھسک کر 258 ویں نمبر پر پہنچ گئی ہیں اور کسی گراس کورٹ ٹورنامنٹ میں حصہ لینے کے لئے ان کی درجہ بندی کافی نیچے ہے ۔منتظمین نے انہیں اس ٹورنامنٹ کے لیے چار دستیاب وائلڈ کارڈ میں سے ایک دیا ہے ۔30 سالہ روسی کھلاڑی نے آخری بار یہاں 2010 میں کھیلا تھا اور 2005 میں برمنگھم ٹورنامنٹ میں وہ فاتح رہی تھیں۔ایل ٹي اے کے ترجمان نے کہا کہ ہم اب اس بارے میں غور کر رہے ہیں کہ کون سے کھلاڑیوں کو ہمارے گراس کورٹ ٹورنامنٹ کے لئے اس بار وائلڈ کارڈ دیا جائے ۔پانچ بار کی گرینڈ سلیم چمپئن معطلی کے بعد گزشتہ ماہ پہلی بار اسٹٹ گارٹ ٹینس ٹورنامنٹ میں کھیلنے اتری تھیں جہاں انہیں وائلڈ کارڈ دیا گیا تھا۔وہ اسٹٹ گارٹ میں سیمی فائنل تک پہنچی تھیں ۔شاراپووا کو پیر کو میڈرڈ اوپن میں کینیڈا کی یوزني بکارڈ سے 5۔7 ،6۔2، 4۔6 سے دوسرے راؤنڈ میں ہی ہار کھانی پڑی تھی ۔برمنگھم 17 سے 25 جون تک ایجبسٹن پرایري کلب میں کھیلا جائے گا جو تین جولائی سے شروع ہونے جا رہے ومبلڈن سے پہلے اہم ٹورنامنٹ ہے ۔وہیں ڈوپنگ کے الزامات اور معطلی کے بعد پہلے گرینڈ سلیم میں کھیلنے کا خواب دیکھ رہیں شاراپووا کو ومبلڈن میں داخلہ پانے کا فیصلہ آرگنائزر 20 جون تک کر سکتے ہیں جہاں پر بھی انہیں وائلڈ کارڈ کا ہی سہارا ہے ۔یو این آئی