یو این آئی
نئی دہلی//وزیر خارجہ ڈاکٹر ایس جے شنکر نے اتوار کو عمان میں 8ویں بحر ہند کانفرنس میں شرکت کی اور عمان کے وزیر خارجہ سید بدر البوسیدی کے ساتھ ہندعمان تعلقات کو مضبوط بنانے پر تبادلہ خیال کیا۔وزارت خارجہ کے مطابق ڈاکٹر جے شنکر نے بحر ہند کانفرنس کے افتتاحی سیشن میں کلیدی خطبہ دیا جس میں انہوں نے علاقائی تعاون کو مضبوط بنانے اور ایک مستحکم اور خوشحال بحر ہند خطے کو یقینی بنانے کے ہندوستان کے عزم کو دہرایا ۔دورے کے دوران وزیر خارجہ نے سلطنت عمان کے وزیر خارجہ سید بدر البوسیدی کے ساتھ دو طرفہ میٹنگ کی، جس کے دوران دونوں رہنمائوں نے بھارت عمان تعلقات کے تمام پہلوئوں کا جائزہ لیا۔وزیر خارجہ نے بحر ہند کانفرنس کی میزبانی کیلئے سلطنت عمان کی قیادت کی ستائش کی اور تعلقات کو مضبوط بنانے میں ان کی ثابت قدم حمایت کی۔ بات چیت میں باہمی دلچسپی کے شعبوں میں تعاون بڑھانے کے مواقع پر بھی توجہ مرکوز کی گئی۔وزیر خارجہ نے ہندوستان اور عمان کے درمیان سفارتی تعلقات کے 70سال مکمل ہونے پر خصوصی طور پر ڈیزائن کیے گئے لوگو کی نقاب کشائی کی۔ جیسا کہ دونوں ممالک 2025 میں اسے منانے کی تیاری کر رہے ہیں، لوگو تاریخ، ثقافت اور لوگوں کے درمیان مضبوط تعلقات پر مبنی دیرینہ شراکت کی علامت ہے۔وزیر خارجہ نے البوسیدی کے ساتھ کتاب “مانڈوی ٹو مسقط: انڈین کمیونٹی اینڈ دی شیئرڈ ہسٹری آف انڈیا اینڈ عمان” کا بھی اجرا کیا۔ مسقط میں ہندوستانی سفارت خانے کی طرف سے شائع ہونے والی یہ کتاب عمان میں ہندوستانی تارکین وطن کی بھرپور تاریخ اور صدیوں پرانے لوگوں سے لوگوں کے تعلقات پر روشنی ڈالتی ہے جو دوطرفہ تعلقات کو تشکیل دینا جاری رکھتے ہیں۔کانفرنس کے دوران، وزیر خارجہ نے برونئی، بنگلہ دیش، ایران، بھوٹان، سری لنکا، مالدیپ، ماریشس اور نیپال کے وزرائے خارجہ کے ساتھ دو طرفہ ملاقاتیں کیں تاکہ باہمی تشویش کے اہم علاقائی اور عالمی مسائل پر تبادلہ خیال کیا جا سکے اور بحر ہند کے علاقے کے ساتھ گہرے تعلقات کے ہندوستان کے عزم کو تقویت دی جا سکے۔وزارت خارجہ نے کہا کہ ڈاکٹر جے شنکر کے دورہ عمان نے ہندوستان اور عمان کے درمیان مضبوط اور کثیر جہتی تعلقات کی توثیق کی اور دوطرفہ اور علاقائی تعاون کو مزید مضبوط بنانے کے لیے ایک حوصلہ افزا ثابت ہوا ہے۔
