عظمیٰ نیوز سروس
رام بن//ڈپٹی کمشنر رام بن بصیر الحق چودھری کی ہدایات کے بعد سب ڈویژنل انتظامیہ بانہال نے بازار کی ایک جامع چیکنگ مہم چلائی۔ اس اقدام کا مقصد اوور چارجنگ کی نگرانی اور ان کو کنٹرول کرنا اور ضروری اشیاء کے معیار کو یقینی بنانا ہے۔مختلف محکموں کی مشترکہ ٹیموں نے بانہال بازار اور اس سے ملحقہ علاقوں کا مکمل معائنہ کیا۔ ان معائنہ کے دوران، انفورسمنٹ ٹیموں نے خلاف ورزی کرنے والے تاجروں پر مجموعی طور پر 4,200 کے جرمانے عائد کئے ، بشمول اوور چارجنگ اور ضروری اشیاء کے معیار کو برقرار رکھنے میں ناکامی کے خلاف کارروائی عمل میں لائی گئی ۔دکانداروں کو خصوصی طور پر ہدایت کی گئی کہ وہ زائد قیمت وصول کرنے سے گریز کریں اور ضروری سامان اور کھانے پینے کی اشیاء کے معیار کو یقینی بنانے کے لئے ان کی ذمہ داری یاد دلائی گئی۔ انتظامیہ اس بات کو یقینی بنانے کے لئے وقف ہے کہ صارفین کو اس تہوار کے موسم میں مناسب قیمتوں پر اعلیٰ معیار کی مصنوعات تک رسائی حاصل ہو۔
