بانہال بارہمولہ ریل گاڑی انجن میں تیکنیکی خرابی

بانہال // بانہال بارہمولہ کے درمیان چلنے والی ایک ریل گاڑی کے انجن میں دھواں نمودار ہونے کے بعد اسے قاضیگنڈ کے نزدیک ہنگامی حالات میں روک دیا گیا اور بعد.میں تیکنیکی فالٹ کو دور کرکے ریل کو بانہال پہنچایا گیا ۔ ریل دھواں نکلنے اور اسے اچانک روکنے کی وجہ سے مسافروں میں سراسمیگی پھیل گئی اور بیشتر مسافر ریل سے باہر آئے تاہم کچھ وقت بعد ریل کے اندر حالات معمول پر آگئے ۔ریلویز  ذرائع نے کشمیر عظمیٰ کو بتایا کہ بانہال کی طرف انے والی ریل کے فرنٹ انجن کے گرم ہونے کی وجہ سے دھواں نمودار ہوا اور ریل کو قاضیگنڈ کے نزدیک ہنگامی طور روکا گیا۔ انہوں نے کہا کہ یہ معمول کا واقع تھا جو انجن کے ہیٹ اپ ہونے کی وجہ سے ہوتا ہے۔ انہوں نے کہا کہ اس سے ریل گاڑی کچھ وقت کیلئے روکی گئی اور بعد میں چیک اپ اور کچھ وقفے تک آرام دینے کے بعد ریل سروس کو دوبارہ بحال کیا گیا۔ انہوں نے کہا کہ اس واقع سے ریل سروس کے معمول پر کوئی اثر نہیں پڑا اور ریل سروس معمول کی طرح جاری رہی ۔واضع رہے کہ بانہال اور بڈگام بارہمولہ کے درمیان روزانہ بائیس ریل گاڑیاں چلتی ہیں اور ہزاروں مسافر روزانہ ریل سروس کو استمال کرتے ہیں ۔