سری نگر// شمالی کشمیر کے ضلع بانڈی پورہ میں ہفتہ کی صبح سیکورٹی فورسز نے بانڈی پورہ- سری نگر شاہراہ پر گامرو لاو ڈارہ کراسنگ کے قریب نصب ایک آئی ای ڈی بم کو ناکارہ بنانے کا دعویٰ کیا۔
پولیس نے کہا کہ بانڈی پورہ کے گامرو لاو ڈارہ علاقے میں شاہراہ کے قریب ہفتے کی صبح سیکورٹی فورسز اور سراغ رساں کتے نے ایک گیس سلینڈر میں رکھی گئی ایک آئی ای ڈی بم کو پایا۔
انہوں نے کہا کہ آئی ای ڈی کو ناکارہ بنانے کے لئے فوری طور پر بم ناکارہ بنانے والی ایک ٹیم کو طلب کیا گیا جنہیں یہ آئی ای ڈی ناکارہ بنانے میں قریب چھ گھنٹے لگ گئے۔
پولیس کے مطابق آئی ای ڈی نصب ہونے کا پتہ لگتے ہی احتیاطی طور بانڈی پورہ- سری نگر شاہراہ پر ٹریفک کی نقل وحمل روک دی گئی اور پورے علاقے کو سیل کیا گیا۔
یہ آئی ای ڈی نالہ ارن کے نزدیک ایک چھوٹے گیس سلینڈر میں نصب کی گئی تھی۔بعد ازاں اس کو بغیر کوئی نقصان پہنچائے ناکارہ بنایا گیا۔
