سرینگر// جنگجوﺅں نے جمعہ کو سرینگر کے باغات برزلہ علاقے میںفورسز پارٹی پرگولیاں چلاکر جن دو پولیس اہلکاروں کو زخمی کیا وہ اسپتال میں زخموں کی تاب نہ لاکر دم توڑ بیٹھے ۔
اطلاعات کے مطابق اس حملے میںدو پولیس اہلکار گولیاں لگنے سے زخمی ہوگئے تھے جنہیں نزدیکی ہڈیوں کے اسپتال پہنچایا گیا۔ بعد میں ایک پولیس اہلکار سہیل احمد کو ایس ایم ایچ ایس اور دوسرے زخمی اہلکارمحمد یوسف کو پولیس اسپتال منتقل کیا گیا۔
نیوز ایجنسی جی این ایس کے مطابق زخمی سہیل احمد ،ایس ایم ایچ ایس اور محمد یوسف پولیس اسپتال میں دم توڑ بیٹھے۔
اطلاعات کے مطابق واقعہ کے بعد فورسز کی بھاری جمعیت نے علاقے کو محاصرے میں لیکر حملہ آوروں کی دھر پکڑ کیلئے تلاشی آپریشن شروع کیا۔
