عظمیٰ نیوز سروس
سرینگر// انسداد بدعنوانی بیورو نے پیر کو کہا کہ بڈگام میں فوڈ اکارپوریشن آف انڈیاگودام کے مالک سمیت افراد کو رشوت ستانی کے الزام میں گرفتار کیا۔بیان کے مطابق”ایک شکایت کنندہ نے ایف سی آئی گودام چند پورہ بڈگام کے عہدیداروں کے خلاف ایک تحریری شکایت کے ساتھ اینٹی کرپشن بیورو سے رابطہ کیا، جس میں شکایت کنندہ نے کہا کہ اسکے ٹرک سے چاول اتارنے کے عوض رشوت کا مطالبہ کیا جارہا ہے،اور12اگست کو چاولوں سے بھرے ہوئے ٹرک کو ان لوڈ نہیں کیا گیا تھا اورعہدیداروں نے بالآخر شکایت کنندہ سے کہا کہ وہ گودام کے مالک تجم الحسن شاہ سے رجوع کریں”۔ترجمان نے کہا کہ شکایت کنندہ نے اس کے مطابق گودام کے مالک سے رابطہ کیا، جس نے اسے کہا کہ وہ اپنے بینک اکانٹ میں 1500 کی رقم جمع کرے۔
مزید اس سے کہا کہ اس کے ٹرک کو اتارنے سے پہلے 3500 رشوت دیں۔ تاہم شکایت کنندہ نے رشوت نہ دینے کا فیصلہ کیا اور قانون کے تحت فراہم کردہ ملزمان کے خلاف قانونی کارروائی کرنے کے لیے اے سی بی سری نگر سے رجوع کیا۔”شکایت کی وصولی پر، پی سی ایکٹ 1988 کا مقدمہ ایف آئی آر نمبر 16/2023 U/S 7, 7A PS ACB سری نگر میں درج کیا گیا اور تحقیقات شروع کی گئی”۔”تحقیقات کے دوران، بیورو کی طرف سے ایک ٹریپ ٹیم تشکیل دی گئی تھی۔ ٹیم نے ایک کامیاب جال بچھا کر ملزم کو شکایت کنندہ سے 3500 کی رشوت طلب کرتے ہوئے رنگے ہاتھوں پکڑ لیا اور رقم برآمد کر لی ۔ملزم گودام کے مالک کی شناخت ابو مجید شیخ ولد غلام احمد شیخ فردوس آباد بٹہ مالو سری نگر،(پروپرائٹر شیخ سپلائیرز اینڈ کنٹریکٹرز )کے طور پر ہوئی ہے جبکہ وزن کرنے والے کی شناخت تجمل حسن شاہ ولد غلام حسن شاہ ساکن دھرمونہ سوئیہ بگ کے طور پر ہوئی ہے۔ “موقع پر، کئی دوسرے ڈرائیور دستیاب تھے، جو ایف سی آئی کے لیے اناج لے جاتے ہیں۔ ان کی جانچ پڑتال کی گئی اور یہ بات سامنے آئی کہ تمام ڈرائیوروں کو ٹرک اتارنے سے پہلے رشوت دینے پر مجبور کیا جاتاگیا ہے۔ موقع پر موجود ڈرائیوروں نے شکایت کی کہ ایف سی آئی کے تمام گوداموں بالخصوص لیتہ پورہ میں ان سے بھتہ وصول کیا جاتا ہے اور بصورت دیگر ان کے ٹرک بروقت نہیں اتارے جاتے اور انہیں لمبا انتظار کرنا پڑتا ہے۔”کچھ ڈرائیوروں نے mPay کے اسکرین شاٹس دکھائے جس میں ملزم عبدالمجید کے بینک اکانٹ میں 3000 کی منتقلی کو دکھایا گیا تھا۔””یہ بات قابل غور ہے کہ گودام کے مالک مجید شیخ، جے اینڈ کے بینک کے 30 کروڑ روپے کے فراڈ میں ملزم ہیں۔ بینک فراڈ کے سلسلے میں اے سی بی نے اے سی بی کیس ایف آئی آر نمبر 06/2019 پی ایس اے سی بی اننت ناگ میں ملزم کو چارج شیٹ کیا ہے۔ “،۔اس کیس کی مزید تفتیش جاری ہے۔ ایف سی آئی گودام چند پورہ سے وابستہ دیگر ملوث افراد کے کردار کی چھان بین کی جا رہی ہے۔ فوری کیس میں مزید گرفتاریوں کی توقع ہے۔
