ایک کہانی جاری ہے

ایک کہانی جاری ساری
دریا چلتا رہتا ہے
لہر کے بننے
بڈھنے اور سمٹنے
کے بعد بھی
دریا چلتا رہتا ہے
پھر لہر کا قصہ کیا ہے بتادے۔۔۔؟
۰
بابا نے کہا تھا
دھیان میں رہ
اگیانی سے لڑ
گیان میں رہ
۰
بابا نے کہا تھا
اِک داتا ہے
مالک سب کا
اِس میں اُس میں
روپ ہے رب کا
۰
بابا نے کہا تھا
بھول نہ جانا۔۔۔
۔۔۔اپنی خود داری
اپنی شان
تو سب کی طرح آدم ہی ہے
لیکن ہے الگ تیری پہچان
۰
لہریں تو بنتی چلتی ہیں
دریا میں ڈوب کے رہتی ہیں
دریا کا حصہ بنتی ہیں
دریا تو چلتا رہتا ہے
۔۔۔دریا کو بہتے جانا ہے
مشتاق مہدی
مدینہ کالنی۔ملہ باغ حضرتبل۔ سرینگر ،موبائل نمبر؛9419072053