ایک ماہ بعد جموں کا لُنڈا بازار پھر سج گیا، لوگوں نے کی جم کر خریداری

جموں//جموں وکشمیر کے سرمائی دارلحکومت جموں میں ہر اتوار کو لگنے والا مشہور سنڈے مارکیٹ کووڈ پابندیوں کی وجہ سے زائد از چار ہفتوں تک بند رہنے کے بعددوبارہ کھل گیا۔خیال رہے کہ رواں برس 15جنوری کو کورونا وائرس کے پیش نظر بند کے جانے والے مشہور سنڈے مارکٹ میں اتوار کو تجارتی سرگرمیاں بحال کرنے کی اجازت دی گئی۔ سستی قیمتوں کی فروخت کے لئے مشہور اس مارکیٹ میں اپنا سامان سجانے اور فروخت کرنے والے ریڈہ بانوں نے کرونا وائرس سے متعلق گائیڈ لائنز پر عمل درآمد کو یقینی بنانے کا متعلقہ حکام کو یقین دلایا ہے۔ریڈہ بانوں نے اس مارکیٹ میں اپنا سامان سجایا تھا۔ بعض ریڑہ بانوں نے چھوٹے چھوٹے بورڈ اور پلے کارڈ ایستادہ کر رکھے تھے جن پر لکھی گئی تحریروں کے ذریعے خریداروں سے ماسک پہننے اور سماجی دوری کا خیال رکھنے کی تاکید کی گئی تھی۔سنڈے مارکیٹ میں موجود خریداروں نے بتایا کہ وہ سنڈے مارکیٹ کو کھلا دیکھ کر کافی خوش ہو گئے۔چار ہفتوں کے بعد سنڈے مارکیٹ میں لوگوں نے جم کر خریداری کی۔