عظمیٰ نیوز سروس
سرینگر//جموں و کشمیر حکومت نے جموں و کشمیر انتظامی سروس افسر میر نصر ہلال جیری کو سرینگر ڈیولپمنٹ اتھارٹی(ایس ڈی اے)کے بعض اہلکاروں کے خلاف الزامات کی تحقیقات کے لیے انکوائری افسر مقرر کیا ہے۔ایک رسمی حکم نامے کے مطابق، یہ تقرری جموں و کشمیر کی درجہ بندی، کنٹرول اور اپیل رولز، 1956 کے رول 33(4) کے تحت کی گئی ہے۔انکوائری ایس ڈی اے کے بے نامی عہدیداروں کے خلاف لگائے گئے الزامات سے متعلق ہے۔ تعینات افسر کو ایک ہفتہ کے اندر انکوائری مکمل کرنے اور تفصیلی رپورٹ پیش کرنے کی ہدایت کی گئی ہے۔ الزامات کی نوعیت یا اس میں ملوث اہلکاروں کے بارے میں تفصیلات سرکاری طور پر ظاہر نہیں کی گئی ہیں۔
