ایس ایم سی کے تمام کارپوریٹرس ممبئی اور پونے کا دورہ کریں گے :جنید اعظم متو

سرینگر //سرینگر میونسپل کارپوریشن (ایس ایم سی) کے میئر جنید اعظم متو کا کہنا ہے کہ ایس ایم سی کے تمام کارپوریٹرس ماہ جنوری میں ایک سٹیڈی ٹور میں حصہ لینے کیلئے مہاراشٹرہ کے ممبئی اور پونے کا دورہ کریں گے ۔انہوں نے کہا کہ یہ کارپوریٹرس ممبئی اور پونے کی کارپوریشنز کے کارپوریٹرس کے ساتھ خصوصی میٹنگیں کریں گے ۔جنید اعظم متو، جنہوں نے حال ہی میں جموں وکشمیر اپنی پارٹی میں شمولیت اختیار کی، نے ان باتوں کا اظہار جمعرات کو اپنے ایک ٹویٹ میں کیا۔ٹویٹ میں ان کا کہنا تھا’’یس ایم سی کے تمام معزز کارپوریٹرس ماہ جنوری میں ایک سٹیڈی ٹور میں شرکت کریں گے اور ممبئی اور پونے کی میونسپل کارپوریشنوں کا دورہ کریں گے ۔ایس ایم سی کارپوریٹرس ان دو کارپوریشنوں کے کارپوریٹریس کے ساتھ خصوصی میٹنگیں کریں گے اور ایک دوسرے کے ساتھ اپنے تجربوں اور جانکاری کو شیئر کریں گے ۔