جموں//سرینگر میونسپل کارپوریشن کے میئر جنید عظیم متو نے راج بھون میں لیفٹیننٹ گورنر منوج سِنہا سے ملاقات کی۔دوران میٹنگ جنیدمتو نے لیفٹیننٹ گورنر کو ایس ایم سی کی جانب سے شروع کئے گئے مختلف پروگراموں کے بارے میں جانکاری دی۔ اُنہوںنے لیفٹیننٹ گورنر کو ایس ایم سی کے اَ فرادی قوت اورمشینری کے ڈھانچے کو مستحکم بنانے سے متعلق مختلف مسائل سے آگاہ کیا۔ اُنہوں نے کارپوریشن کی ٹرانسپورٹ فلیٹ کی توسیع ، میونسپل کارپوریٹروں کے تحفظ اور محفوظ اقامتی سہولیات اور دیگر فلاحی معاملات سے بھی انہیں آگاہ کیا۔لیفٹیننٹ گورنر نے میئر کے ساتھ تبادلہ خیال کرتے ہوئے اُنہیں یقین دِلایا کہ ان کی جانب سے پیش کئے گئے تمام مانگوں کا بغور جائزہ لیا جائے گا۔لیفٹیننٹ گورنر نے میئر کولوگوں کو تما م بنیادی سہولیات بہم رکھنے کے لئے کارپوریشن کے کام میں مستقل بہتری لانے کے لئے تمام لازمی اقدامات کرنے کے لئے کہا۔ اُنہوں نے لوگوں کو چوبیس گھنٹے بنیادی شہری سہولیات بہم رکھنے پر خصوصی توجہ مرکوز کرنے پر زور دیا۔لیفٹیننٹ گورنر نے کہا کہ حکومت عوامی نمائندوں کی فلاح و بہبود کے لئے وعدہ بند ہے اور ساتھ ہی جموںوکشمیر کے بنیادی جمہوری اِداروں کوبااِختیار بنانے کے لئے بھی وعدہ بند ہے۔
ایس ایم سی میئر لیفٹیننٹ گورنر سے ملاقی
