اکرم اور آصف اچھے گیند باز تھے :آفریدی

 کراچی، 27 مئی (یو این آئی)سابق کپتان شاہد آفریدی نے اہم راز سے پردہ اٹھاتے ہوئے بتایا ہے کہ وسیم اکرم اور محمد آصف پاکستان کے بہت اچھے گیند باز تھے تاہم ان کا سامنا نہیں کیا، اگر کرتا تو مشکل ہوتی۔نجی ٹی وی کے پروگرام میں ایک سوال کہ پاکستان کا ایسا کون سا بالر ہے جس کا سامنا کرنے سے انہیں ڈر لگتا ۔ آفریدی نے کہا کہ میں نے پاکستانی گیند بازوں کا بہت کم سامنا کیا ہے مگر وسیم اکرم ملک کے سب سے بہترین بالر ہیں اور محمد آصف بھی ایسا بالر تھا جسے نئی گیند کو ان اور آ¶ٹ سوئنگ کرنے کا فن خوب آتا تھا مگر اس نے بہت بڑی غلطی کی۔اسٹار کرکٹر نے مزید کہا کہ انٹرنیشنل کھلاڑیوں میں آسٹریلوی کرکٹر میک گرا، ویسٹ انڈین کرکٹر ز کرٹلی ایمبروز اور کورٹنی والش وغیرہ شامل تھے جنہوں نے مختلف ادوار میں اپنی صلاحیتوں کا لوہا منوایا۔یو این آئی۔دریں اثنا ویسٹ انڈین آل راو¿نڈر ڈیوائن براوو کے گانے کی نئی ویڈیو بھی منظرعام پر آگئی، جس میں انھوں نے پاکستانی اسٹار شاہد خان آفریدی سے اپنی ملاقات کا احوال بھی گیت میں پیش کیا۔