لندن، 30 مئی (یو این آئی) تجربہ کار جنوبی افریقہ بلے باز اور سابق کپتان ہاشم آملہ ون ڈے انٹرنیشنل کرکٹ میں سب سے تیز 7000 رن بنانے والے بلے باز بن گئے ہیں اور اس معاملے میں انہوں نے ہندوستانی کپتان وراٹ کوہلی کو بھی پیچھے چھوڑ دیا ہے ۔آملہ نے 150 ون ڈے اننگز میں 7000 رنز مکمل کر لیے ہیں جو اس فارمیٹ میں ریکارڈ ہے ۔انہوں نے اس معاملے میں وراٹ کو پیچھے چھوڑ دیا ہے جنہوں نے اپنے 7000 رنز ون ڈے میں 161 اننگز میں پورے کئے ہیں۔جنوبی افریقہ کے بلے باز نے یہ کامیابی انگلینڈ کے خلاف ون ڈے سیریز کے آخری میچ میں حاصل کی۔اس میچ میں جنوبی افریقہ نے چمپئنز ٹرافی کی میزبان ٹیم انگلینڈ کو سات وکٹ سے شکست دی جس نے اگرچہ سیریز 2۔1 سے جیتی۔آملہ نے اس میچ میں 55 رنز کی نصف سنچری اننگز کھیلی اور 54 گیندوں میں 11 چوکے لگائے ۔ اس میچ سے پہلے آملہ اپنی کامیابی سے صرف 23 رن ہی دور تھے ۔آملہ کے کیریئر کا یہ 153 واں ون ڈے میچ تھا۔سابق کپتان سورو گنگولی نے 13 سال پہلے سب سے تیز 7000 ون ڈے رنز بنانے کا ریکارڈ اپنے نام کیا تھا۔انہوں نے اس وقت یہ کارنامہ 174 اننگز میں کیا تھا۔گنگولی کے اس ریکارڈ کے بعد دیگر جنوبی افریقہ کے بلے باز اے بی ڈی ولیرس نے توڑا اور 166 اننگز میں یہ کامیابی اپنے نام کی۔اس کے بعد ہندوستانی کپتان وراٹ نے اے بی کا ریکارڈ توڑا اور اب آملہ نے وراٹ کو اس معاملے میں پیچھے چھوڑ دیا ہے ۔جنوبی افریقہ کی ٹیم یکم جون سے شروع ہونے جا رہی چمپئنز ٹرافی کے پول بی میں شامل ہے جہاں اس کے ساتھ ہندستان ، پاکستان اور سری لنکا ہیں۔جنوبی افریقہ ٹورنامنٹ میں اپنا پہلا میچ تین جون کو سری لنکا سے کھیلے گی۔جنوبی افریقہ اور انگلینڈ کے درمیان کھیلی جا رہی تین ایک روزہ میچوں کی سیریز کے آخری میچ میں ہاشم آملا نے 55 رنز کی اننگز کھیلتے ہوئے یہ عالمی ریکارڈ اپنے نام کیا۔یاد رہے کہ ہاشم آملا اس سے قبل تیز ترین دوہزار، تین ہزار، چار ہزار، پانچ ہزار اور چھ ہزار رنز بنانے کا عالمی ریکارڈ بھی رکھتے ہیں۔یو این آئی
آملہ بنے تیز ترین7ہزار رن بنانے والے کھلاڑی
