سرینگر/بدھ کو ایک فوجی اہلکار اُس وقت زخمی ہوگیا جب بھارت اور پاکستان کی افواج نے شمالی کشمیر کے اوڑی سیکٹر میں لائن آف کنٹرول پر گولیوں کا تبادلہ کیا۔
یہ واقعہ اُوڑی کے کمل کوٹ علاقے میں پیش آیا۔
اطلاعات کے مطابق بھارت اور پاکستانی افواج کے مابین ہوئی فائرنگ کے نتیجے میں بھارت کا ایک فوجی زخمی ہوگیا جس کو فوری طور علاج کیلئے اسپتال پہنچایا گیا۔
بھارت اور پاکستان کے مابین جب بھی لائن آف کنٹرول یا بین الاقوامی سرحد پر ایسا کوئی واقعہ پیش آتا ہے تو دونوں ممالک ایک دوسرے پر2003کی جنگ بندی کی خلاف ورزی کا الزام عاید کرتے ہیں۔
