انکم ٹیکس نظام میں کوئی نئی تبدیلی نہیں:وزارت خزانہ

عظمیٰ نیوز سروس

نئی دہلی//وزارت خزانہ نے پیر کو کہا کہ موجودہ مالی سال کیلئے انکم ٹیکس کے نئے نظام میں کوئی تبدیلی نہیں کی گئی ہے اور انفرادی ٹیکس دہندگان اپنے آئی ٹی آر داخل کرنے کے وقت اس نظام سے باہر نکل سکتے ہیں۔1اپریل سے لاگو ہونے والے نئے ٹیکس نظام میں کچھ تبدیلیوں کا دعویٰ کرنے والی سوشل میڈیا پوسٹس پر وضاحت کرتے ہوئے وزارت نے کہا’’کوئی نئی تبدیلی نہیں ہے ۔یکم اپریل 2023 سے شروع ہونے والے مالی سال سے انکم ٹیکس کا ایک ترمیم شدہ نظام نافذ کیا گیا تھا، ان افراد کیلئے جن کے تحت ٹیکس کی شرحیں “نمایاں طور پر کم” ہیں‘‘۔وزارت کے مطابق ’’نیا ٹیکس نظام پہلے سے طے شدہ ٹیکس نظام ہے تاہم ٹیکس دہندگان ٹیکس نظام پرانا یا نیامنتخب کر سکتے ہیں جو ان کے خیال میں ان کے لیے فائدہ مند ہے ‘‘۔نئی آئی ٹی نظام کے تحت 3لاکھ روپے تک کی آمدنی ٹیکس سے مستثنیٰ ہے۔ 3 سے 6 لاکھ روپے کی آمدنی پر 5فیصد، 6سے 9 لاکھ روپے کی آمدنی پر 10فیصد ٹیکس لگایا جاتا ہے۔9-12لاکھ روپے اور 12-15لاکھ روپے کے درمیان آمدنی بالترتیب 15فیصد اور 20فیصد ٹیکس کے تابع ہے۔