عظمیٰ نیوز سروس
پلوامہ //سوک ایکشن پروگرام کے تحت جموں و کشمیر پولیس کے زیر اہتمام انڈر 17 ناک آ ئوٹ کرکٹ ٹورنامنٹ سپورٹس سٹیڈیم تملہ ہال، لاسی پورہ میں کامیابی کے ساتھ اختتام پذیر ہوا۔ فائنل میں کھلاڑیوں، کھیلوں سے محبت کرنے والوں اور مقامی لوگوں کی پرجوش شرکت دیکھنے میں آئی۔ناک آئوٹ فارمیٹ ٹورنامنٹ میں کل 16 ٹیموں نے حصہ لیا۔ فائنل میچ رائل چیلنجرز پتی پورہ اور جونیئرز کرکٹ کلب تملہ ہال کے درمیان ہوا جہاں رائل چیلنجرز نے ٹائٹل اپنے نام کیا۔ فاتح اور رنر اپ دونوں ٹیموں کو ٹرافیاں، میڈلز اور اسپورٹس یونیفارم پیش کیے گئے۔ ان کی قابل تحسین کاوشوں کو تسلیم کرتے ہوئے، جیتنے والی ٹیم کو 50,000 ڈالر کا نقد انعام دیا گیا جبکہ رنر اپ ٹیم کو 25,000 روپے سے نوازا گیا۔ ابوبکر نے مین آف دی میچ 10,000 ہزاراور ٹرافی اور مین آف دی سیریز کو20,000 روپے اور ٹرافی دونوں ایوارڈز اپنے نام کیے۔اس موقع پر خطاب کرتے ہوئے ایس ایس پی پلوامہ نے جیتنے والوں کو مبارکباد دی اور تمام شرکا کے جذبے کو سراہا۔ انہوں نے اس بات کا اعادہ کیا کہ جموں و کشمیر پولیس نوجوانوں کو کھیلوں اور ثقافتی سرگرمیوں میں پلیٹ فارم فراہم کرکے ان کی توانائی کو مثبت سمت میں منتقل کرنے کے لیے پرعزم ہے۔
