عظمیٰ نیوز سروس
سرینگر// محکمہ باغبانی جموں و کشمیر نے نئی دہلی کے پرگتی میدان میں منعقدہ انٹرنیشنل ایگریکلچر اینڈ ہارٹی ایکسپو-2024 میں پہلا انعام حاصل کیا ہے۔باغبانی جموں و کشمیر کے محکمہ نے انٹرنیشنل ایگریکلچر اینڈ ہارٹی ایکسپو 2024 میں حصہ لیا تھا، یہ میگا نمائش جو پرگتی میدان نئی دہلی میں 20 سے 22 جولائی 2024منعقد ہوئی تھی۔جموں و کشمیر میں کاشت کی جانے والی مختلف پھلوں کی کاشت کی نمائش کے لیے مذکورہ ایکسپو میں ڈیپارٹمنٹل اسٹال لگایا گیا تھا۔ تین دن کے دوران لوگوں کی بڑی تعداد نے سٹال کا دورہ کیا۔سٹال پر رکھے گئے تازہ اور خشک میوہ جات کی نمائش نے لوگوںکے ساتھ ساتھ ایکسپو کی انتظامیہ کی توجہ بھی حاصل کی۔جموں و کشمیر کو شاندار قرار دیا گیا اور ایکسپو کے تمام اسٹالوں میں سب سے زیادہ پرکشش قرار دیا گیا اور اسے انٹرنیشنل ایگریکلچر اینڈ ہارٹی ایکسپو 2024 میں پہلا انعام ملا ہے۔اس دوران کل ایڈمنسٹریٹیو ریفارمز اِنسپکشن اینڈ ٹریننگ ڈیپارٹمنٹ ( اے آر آئی اینڈ ٹی) نے ہارٹی کلچر ڈائریکٹوریٹ کا جامع اِنتظامی معائینہ کیا۔ٹیم کی قیادت سیکرٹری ٹیکنیکل ایڈمنسٹریٹیو، ریفارمز، اِنسپکشن اینڈ ٹریننگ ڈیپارٹمنٹ ڈاکٹرعبدالکبیر ڈار سمیت دیگر سینئر افسران کر رہے تھے۔
