سرینگر/ٹرانسپورٹرس کی ایک انجمن نے سنیچر کو سرینگر میں کشمیر کے اندرانسانی حقوق کی پامالیوں کیخلاف احتجاجی مظاہرہ کیا۔
'کشمیر ٹرانسپورٹرس ویلفیئر فیڈریشن سرینگر' سے وابستہ درجنوں افراد نے پرتاپ پارک میں جمع ہوکر پامالیوں کیخلاف نعرے بازی کی۔
مظاہرین نے پلے کارڈ اُٹھارکھے تھے جن پر انسانی حقوق کی پامالیوں کیخلاف نعرے درج تھے۔
مظاہرے کا اہتمام علیحدگی پسندوں کے وفاق مشترکہ مزاحمتی قیادت کی اپیل پرکیا گیا تھا۔
مشترکہ مزاحمتی قائدین نے تاجروں اور ٹرانسپورٹرس پر زور دیا تھا کہ وہ 3دسمبرسے10دسمبر تک 'ہفتہ حقوق انسانی' کے تحت مظاہروں کا اہتمام کریں۔
ادھر کشمیر چیمبر اآف کامرس اینڈ انڈسٹریز(کے سی سی آئی) نے بھی بعد دوپہر سرینگر کی پریس کالونی میں ایک زور دار احتجاجی مظاہرہ کیا۔
مظاہرین کشمیر میں انسانی حقوق کی پاملایوں کیخلاف نعرے بلند کررہے تھے۔
