امیرِکویت خلیج میں امریکا کی مدد کرر ہے ہیں : ڈونلڈ ٹرمپ

 واشنگٹن// امریکی صدر ڈونلڈ ٹرمپ وائٹ ہاؤس میں امیر کویت شیخ صباح الاحمد الجابر الصباح کا خیرمقدم کررہے ہیں۔امریکی صدر ڈونلڈ ٹرمپ نے کہا ہے کہ امیر کویت شیخ صباح الاحمد الجابر الصباح اس وقت خلیج میں امریکا کی مدد کررہے ہیں اور تمام چیزیں بہتر طور پر انجام پا رہی ہیں۔انھوں نے کہا کہ امیر کویت سے ملاقات میں قطر بحران پر بھی تبادلہ خیال کیا جائے گا۔ شیخ الجابر الصباح بدھ کو واشنگٹن پہنچے تھے۔وہ صدر ٹرمپ سے خطہ خلیج میں ایران کی مداخلت سمیت مختلف موضوعات پر بات چیت کریں گے۔امیر کویت نے قبل ازیں 2013ء میں امریکا کا دورہ کیا تھا۔اس مرتبہ ان کے ہمراہ ایک بڑا وفد بھی واشنگٹن گیا ہے۔وفد میں وزیر خارجہ شیخ صباح الخالد الاحمد الصباح ، وزیر داخلہ شیخ خالد الجراح الصباح ، وزیر خزانہ انس خالد الصالح اور نیشنل گارڈ کے ڈپٹی چیئرمین شیخ مشعل الاحمد الجابر الصباح بھی شامل ہیں۔