یو این آئی
رائے پور//مرکزی وزیر داخلہ امت شاہ چھتیس گڑھ میں اپنے تین دن کے قیام کے دوران پہلی بار ریاست کے نکسل متاثرہ علاقوں کا دورہ کریں گے۔ شاہ ریاست میں امن و قانون کی صورتحال کا بھی جائزہ لیں گے۔ اس دوران وہ خودسپردگی کرنے والے نکسلیوں سے ملاقات کریں گے۔ اس کے علاوہ وہ نکسل متاثرہ لوگوں سے بات چیت کریں گے۔ یہ پہلا موقع ہوگا جب شاہ نکسل متاثرہ علاقوں کا دورہ کر رہے ہیں۔گزشتہ ہفتے دہلی کے اپنے دورے کے دوران وزیر اعلیٰ وشنو دیو سائی نے شاہ سے ملاقات کی تھی اور انہیں چھتیس گڑھ کے دورے کی دعوت دی تھی۔ سائی نے بتایا تھا کہ نکسل متاثرہ علاقوں میں نکسلیوں کے خاتمے کے لیے مہم چلائی جا رہی ہے، جس میں مسلسل کامیابی مل رہی ہے۔
