عظمیٰ نیوز ڈیسک
واشنگٹن//امریکی بحری جہاز سے غلطی سے فضا میں پرواز کرتے اپنے ہی لڑاکا طیارے ایف اے18پر میزائل برسا دیا۔عالمی خبر رساں ادارے کے مطابق غلطی سے کی گئی فائرنگ میں امریکی لڑاکا طیارہ میں آگ بھڑک اٹھی اور وہ ہچکولے کھاتے ہوئے سمندر برد ہوگیا۔امریکی فوجی طیارے میں دو پائلٹ سوار تھے جنہوں نے پیرا شوٹ کی مدد سے جہاز سے چھلانگ لگا کر اپنی جانیں بچائیں۔دونوں پائلٹس کو زمین پر بحفاظت اتار لیا گیا۔ ایک پائلٹ کو معمولی زخم آئے ہیں جنہیں طبی امداد کے بعدہسپتال سے رخصت دے دی گئی۔خیال رہے کہ یہ واقع بحیرہ احمر کی اس راہداری پر پیش آیا ہے جہاں ایک سال سے یمن کے حوثی باغی بحری جہازوں پر مسلسل حملے کر رہے ہیں۔تاہم امریکی بحریہ کے ترجمان نے بتایا کہ ابتدائی تحقیقات سے پتہ چلتا ہے کہ لڑاکا طیارے پر فائرنگ کسی دشمن ملک یا دہشت گردوں کی جانب سے نہیں کی گئی۔ترجمان امریکی بحریہ نے مزید کہا کہ یہ واقع غلطی سے کی گئی فائرنگ کے نتیجے میں پیش آیا تاہم واقع کی مکمل تحقیقات جاری ہے۔امریکی سینٹرل کمانڈ کا کہنا ہے کہ ایف اے18ہارنیٹ طیارہ، بحیرہ احمر میں امریکی جہازکے قریب سے گزر رہا تھا، میزائل کروز گیٹس برگ نے میزائل مار کر طیارہ غلطی سے مار گرایا۔
