حسین محتشم
پونچھ//کنوئیاں میں مسجد شاہِ ہمدان کے تعمیراتی کام میں اہم مرحلہ مکمل کرتے ہوئے مسجد کا لینٹر ڈالا گیا۔ اس مسجد کی تعمیر المدینہ ویلفیئر ٹرسٹ پونچھ کے زیر اہتمام کی جا رہی ہے۔یاد رہے کہ اس مسجد کا سنگِ بنیاد کچھ عرصہ قبل پیرِ طریقت مولانا مفتی سید محمد عارف کے ہاتھوں سے رکھا گیا تھا۔بتا دیں کہ یہ مسجد کنوئیاں گائوں میں بی ڈی او دفتر کے قریب تعمیر کی جا رہی ہے، جو کہ ایک اہم مرکزی جگہ ہے۔مسجد کی تعمیر کو علاقے کی عوام نے خوش آئند قرار دیا ہے۔ مقامی لوگوں نے المدینہ ویلفیئر ٹرسٹ پونچھ کے چیرمین حاجی عبد العزیز میر کا تہہ دل سے شکریہ ادا کرتے ہوئے کہا کہ اس علاقے میں مسجد کی سخت ضرورت محسوس کی جا رہی تھی اور ٹرسٹ نے بروقت اس دینی ضرورت کو پورا کیا۔عوام کا کہنا تھا کہ اس نیک قدم سے علاقے میں نماز و عبادات کے ساتھ ساتھ دینی تربیت و یکجہتی کو فروغ ملے گا۔ انہوں نے ٹرسٹ کے دیگر اراکین کے لیے بھی دعاؤں کا اظہار کیا اور امید ظاہر کی کہ آئندہ بھی ٹرسٹ اس طرح کے فلاحی و دینی کاموں میں پیش پیش رہے گا۔ چیرمین ٹرسٹ کے مطابق اس مسجد کا یہ پہلا چھت تھا جسکے لینٹرپر تقریباًًڈیڑھ سو سے ذائد سیمنٹ کے بیگ کا لینٹرپڑا ہے جلد ہی مسجد کی دوسری چھت کا کام شروع کیا جائے گا۔
