اقتدار کے نشہ میں بی جے پی اشتعال پھیلا رہی ہے :راہل

 نئی دہلی//کانگریس صدر راہل گاندھی نے ملک میں بھارتیہ جنتا پارٹی (بی جے پی) کے کارکنوں کی بھیڑ کی طرف سے کئے جا رہے مبینہ حملوں پر آج طنز کرتے ہوئے کہا کہ اقتدار کے نشے میں چور پارٹی اشتعال پھیلا رہی ہے ۔   گاندھی نے ٹوئٹ کرتے ہوئے ایک پہیلی کے ذریعے بی جے پی کو آڑے ہاتھوں لیتے ہوئے کہا''میں اقتدار کی قطار میں سب سے آگے کھڑے طاقتور شخص کے سامنے خندہ زن ہوں۔میرے لئے ایک شخص کی طاقت اور اقتدار سب سے زیادہ اہم ہے ۔ میں اقتدار کو برقرار رکھنے کے لئے نفرت اور خوف کا استعمال کرتا ہوں اور جو سب سے کمزور ہے انہیں باہر کا راستہ دکھاتا ہوں اور انہیں کچل دیتا ھوں۔ میں اپنے لئے لوگوں کی اہلیت و قابلیت کی بنیاد پر ان کے استعمال کو توجہ دیتا ہوں، میں کون ہوں؟''انہوں نے سماجی کارکن سوامی اگنی ویش پر کل جھارکھنڈ کے پاکوڑ میں بھیڑ کے ذریعہ کئے گئے وحشیانہ حملے کی سخت الفاظ میں مذمت کی اور ان پر کئے گئے حملے کی ٹیلی ویژن شاٹ بھی پوسٹ کی۔یو این آئی