لاہور//پی ایس ایل کے چیئرمین نجم سیٹھی نے کہا ہے کہ افغانستان کی آئی سی سی میں شمولیت کی حمایت کریں گے ۔تفصیلات کے مطابق لاہور میں میڈیا سے گفتگو کرتے ہوئے نجم سیٹھی کا کہنا تھا کہ افغانستان اور پاکستان کے درمیان دو طرفہ سیریز کی تاریخوں کا اعلان جلد کیا جائے گا، افغانستان کی ٹیم پاکستان آ رہی ہے اور ایک ایک کر کے باقی ٹیمیں بھی پاکستان آئیں گی۔انہوں نے مزید کہا کہ افغانستان کے پاس بہترین کھلاڑی موجود ہیں اور پاکستان کرکٹ ٹیم کو افغانستان میں بہترین سکیورٹی کی یقین دہانی کرائی گئی ہے ۔ قبل ازیں پی سی بی کے چیئرمین اور افغانستان کرکٹ بورڈ کے سربراہ نے مشترکہ پریس کانفرنس کے اعلان کیا گیا کہ دونوں ممالک کے درمیان لاہور اور کابل میں ایک ایک ٹی 20 میچ کھیلا جائے گا۔ یو این آئی۔
افغانستان کی حمایت کریں گے :شہر یار
