دائرہ
میں ان لوگوں سے گھرا تھا ۔۔۔
جنھیں چھوڑ کر مجھے آگے بڑھنا تھا ۔۔۔
میں بھاگتا رہا ۔۔۔ بنا تھکے بنا رُکے ۔۔۔۔
میں نے کئی دریاؤں کو پار کیا ۔۔۔۔۔
کئی پہاڑوں کو سر کیا ۔۔۔۔
کئی جنگلوں کو عبور کرنے کے بعد ۔۔۔
میں ایک تپتے صحرا میں کھڑا ہوں ۔۔۔
اور میرے آگےکبھی نہ ختم ہونے والاسمندر ہے ۔۔۔۔۔
میں یہاں صدیوں سے کھڑا ،
ان لوگوں کا منتظر ہوں ۔۔۔
جنھیں چھوڑ کر میں یہاں آیا تھا ۔۔۔۔
بغاوت
اونچے پہاڑ کے دامن میں بسا ایک قبیلہ۔۔۔
برسوں سے عذاب قحط سالی جھیل رہا تھا۔۔۔۔
بتوں کو منانے کی ہر کوشش ناکام ہوئی ۔۔۔۔
بت بس ، بت ہی بنے رہے، راضی نہ ہوئے۔۔۔
ان لوگوں کے ہاتھ سوائے مایوسی کچھ بھی نہیں آیا۔۔۔۔۔
سردار کا بیٹا زولو اپنے بزرگوں کی روایت سے بغاوت کر کے چل پڑا۔۔۔۔
اس پہاڑ کی جانب۔۔۔۔
چس پر چڑھنے سے قبیلہ کا ہر فرد ڈرا کرتا تھا۔۔۔۔
اس نے صدیوں سے چلی آئی اس روایت کو توڑا۔۔۔۔
پہاڑ پر چڑھ کر اس نے۔۔۔۔
اپنے رب حقیقی کو پکارا۔۔۔۔
خدا مہربان ہوا۔۔ ۔۔
اور بارش ہونے لگی۔۔۔۔
ناگپور ، مہاراشٹر،موبائل ۔ 9049548326
