سمت بھارگو
راجوری//طبی ماہرین کی ایک چھ رکنی ٹیم راجوری پہنچی ہے تاکہ اس سرحدی ضلع کے بڈھال گاؤں میں حال ہی میں ہوئی پراسرار اموات کی مزید تحقیقات کی جا سکے۔گزشتہ ڈیڑھ ماہ کے دوران ان پراسرار واقعات میں گیارہ بچوں سمیت چودہ افراد جان کی بازی ہار چکے ہیں۔بدھ کو حکام نے کہاکہ نیشنل سینٹر فار ڈیزیز کنٹرول (این سی ڈی سی)، انڈین کونسل آف میڈیکل ریسرچ (آئی سی ایم آر) کے ماہرین اور چنئی کے دو معروف ماہرین پر مشتمل ایک ٹیم راجوری پہنچی۔حکام نے بتایا کہ راجوری پہنچنے پر ٹیم نے مقامی حکام کے ساتھ ایک میٹنگ کی تاکہ معلومات اکٹھی کی جا سکیں اور اموات کے ارد گرد کے حالات پر تبادلہ خیال کیا جا سکے۔انہوں نے مزید کہا کہ ٹیم کے کل بدھال گاؤں کا دورہ کرنے کی توقع ہے تاکہ زمینی سطح پرتحقیقات کی جاسکے اور مزید تجزیہ کے لیے نمونے جمع کئے جاسکیں۔دریں اثنا، ڈاکٹروں اور مقامی طبی ماہرین کی ٹیم مسلسل علاقے میں کیمپ لگا رہی ہے اور مقامی آبادی کے جارحانہ نمونے لینے اور ٹیسٹ کر رہی ہے۔دوسری جانب محمد اسلم کی دو حقیقی بہنیں یاسمین اختر (16سال) اور زبینا کوثر (10سال) ایس ایم جی ایس اسپتال جموں میں زیر علاج ہیں جہاں دونوں کی حالت تشویشناک بتائی جاتی ہے اور ان میں سے ایک وینٹی لیٹر پر ہے۔
