اسکولی اوقات کار تبدیل

سرینگر//سرکار نے کشمیر صوبے میں میونسپل حدود کے اندر اور باہر آنے والے تمام سرکاری و تسلیم شدہ غیر سرکار سکولوں میں یکساں اوقات کار مقررکئے۔ اس سلسلے میں سیکریٹری تعلیم فاروق احمد شاہ کے دفترسے باضابطہ ایک حکم نامہ زیر نمبر 682-بتاریخ 15 مئی ۲۰۱۸ء؁جاری کیا گیا جس کے مطابق سبھی سکولوں میں اوقات کار صبح9بجے سے سہ پہر3 بجے تک مقرر کئے گئے ہیں۔ حکم نامے کا اطلاق فوری طور تمام سرکاری و تسلیم شدہ غیر سرکاری سکولوں پر ہوگا۔ حکم نامے میںسبھی گورنمنٹ اور پرائیویٹ سکولوں کے سربراہان سے کہا گیا ہے کہ وہ حکم نامے کی من و عن عمل آوری کو یقینی بنائیں۔واضح رہے اس حکم نامے کا اطلاق کشمیر ڈویژن کے تمام سکولوں اور جموں ڈویژن کے سرمائی زون کے تحت آنے والے سکولوں پر ہوگا۔