ایجنسیز
کیپ ٹاؤن/جنوبی افریقہ نے انگلینڈ کے سابق گیندباز ا سٹورٹ براڈ کو ورلڈ ٹیسٹ چیمپئن شپ فائنل سے قبل ٹیم کا کنسلٹنٹ کوچ مقرر کر دیا ہے ۔38 سالہ براڈ 9 جون کو پریکٹس کے دوران کنسلٹنٹ کے طور پر کام کریں گے ۔ یہ ایشیز 2023 کے آخر میں ریٹائر ہونے کے بعد براڈ کا پہلا کوچنگ کردار ہوگا۔وہ 11 جون کو لارڈز میں آسٹریلیا کے خلاف شروع ہونے والے ورلڈ ٹیسٹ چیمپئن شپ کے فائنل کی تیاری میں جنوبی افریقہ کی مدد کریں گے ۔ براڈ 9 جون کو پریکٹس سیشن میں ٹیم کو جوائن کریں گے ۔براڈ نے 167 ٹیسٹ میچوں میں 604 وکٹیں حاصل کیں۔ انہوں نے اپنے ٹیسٹ کیریئر میں آسٹریلیا کے خلاف سب سے زیادہ 153 وکٹیں حاصل کی ہیں۔
