اسلامک یونیورسٹی میںوائس چانسلر ایمپلائز کرکٹ ٹورنامنٹ شروع

اونتی پورہ //کوویڈ 19 کے بحران کے درمیان یونیورسٹی کے اندر کھیلوں کی ثقافت کو زندہ کرنے کے لیے ڈائریکٹر آف فزیکل ایجوکیشن اسلامک یونیورسٹی آف سائنس اینڈ ٹیکنالوجی اونتی پورہ کے زیر اہتمام دوسرا وائس چانسلر ایمپلائز کرکٹ ٹورنامنٹ 2021 کل سے شروع ہوا۔ ٹورنامنٹ میں مختلف تعلیمی شعبوں اور یونیورسٹی انتظامیہ کی 8 ٹیمیں حصہ لیں گی۔ افتتاحی میچ سکول آف ہیومینیٹیز اینڈ سوشل سائنسز اور ایڈمن اے کے درمیان کھیلا گیا ، جسے سکول آف ہیومینیٹیز اینڈ سوشل سائنسز کی ٹیم نے جیتا اور ایڈمن اے کے مزمل احمدبٹ کو مین آف دی میچ کا ایوارڈ دیا گیا۔وائس چانسلر IUST پروفیسر شکیل احمد رومشو نے کرکٹ ٹورنامنٹ کا افتتاح کیا۔ انہوںنے یونیورسٹی کے ملازمین اور طلباء کے لیے اس طرح کے ٹورنامنٹس کے انعقاد کے لیے ڈائریکٹوریٹ آف فزیکل ایجوکیشن اینڈ سپورٹس کی کوششوں کو سراہا۔ انہوں نے مزید کہا کہ اس قسم کی سرگرمیاں یقینی طور پر کوویڈ 19 جیسے مشکل وقت کے دوران ملازمین کے نفسیاتی افسردگی کو کم کرتی ہیں۔پروفیسر رومشو نے تمام شرکاء کو مبارکباد دی اور انہیں اس طرح کی سرگرمیوں میں حصہ لینے کی ترغیب دی اور مستقبل میں بھی ایسی سرگرمیوں کے انعقاد کے لیے محکمہ کھیل کو ہر ممکن تعاون کی یقین دہانی کرائی۔