امریکی سینیٹ میں روکنے کا بل مسترد
یو این آئی
واشنگٹن// امریکی سینیٹ میں صدر ڈونلڈ ٹرمپ کی جماعت ریپبلکنز پارٹی نے اسرائیل کو ہتھیاروں کی فروخت روکنے کے بل کو مسترد کر دیا۔ امریکی سینیٹ میں دو بل منظوری کیلیے پیش کیے گئے جن کا مقصد اسرائیل کو ہتھیاروں کی فروخت روکنا تھا کیونکہ وہ غزہ میں نہ صرف فلسطینیوں کوہلاک کر رہا ہے بلکہ امداد بھی روک رکھی ہے ۔دونوں بل ورمونٹ سے آزاد سینیٹر برنی سینڈرز نے پیش کیے جن کی 73 میں سے 24 اور 70 میں سے 27 ارکان نے حمایت کی، ایوان میں کُل سینیٹرز کی تعداد 100 ہے ۔بلوں کی حمایت ڈیموکریٹس پارٹی نے کی جبکہ امریکی صدر ڈونلڈ ٹرمپ کی جماعت ریپبلکنز پارٹی نے مخالفت کی۔اس کے باوجود سینیٹر برنی سینڈرز نے اپنے بیان میں کہا کہ وہ خوش ہیں کہ ڈیموکریٹس کی اکثریت نے اس بار حمایت کی، وقت بدل رہا ہے امریکی عوام غزہ میں بھوک سے مرنے والے بچوں کیلیے اربوں خرچ نہیں کرنا چاہتے ۔انہوں نے مزید کہا کہ ڈیموکریٹس اس مسئلے پر آگے بڑھ رہے ہیں اور میں مستقبل قریب میں ریپبلکن کی حمایت کا منتظر ہوں۔
