اسرائیلی وفد کی ملاقاتیں،دختران ملت شدید برہم

  سرینگر //دختران ملت نے کہاہے کہ اسرائیلی صیہونیوں کے ساتھ کشمیریوں کا کسی بھی قسم کا تعلق یا رابطہ اسلام اور امت اور تحریک کشمیر سے غداری کے مترادف ہے۔حال ہی میں ایک بھارت اسرائیلی وفد کی کشمیر آمد اور یہاں کچھ افراد سے ملاقات پر تبصرہ کرتے ہوئے تنظیم کی جنرل سیکریٹری ناہیدہ نسرین نے یہ اظہار خیال کیا۔انہوں نے کہا کہ کشمیری عوام کو سمجھنا چاہئے کہ یہ وفد یہود و ہنود اور منافقین پر مشتمل ہے اور یہ لوگ اسلام کے بین دشمن ہیں ۔ انہوں نے کہا مسلمانان جموں و کشمیر کو ان واقعات کا سنجیدہ نوٹس لینا چاہئے اور کسی بھی مکر و فریب کے تئیں ہوشیار رہنا چاہیے۔ نسرین نے کہا کہ کشمیریوں کو ایسے وفود سے ہر گز نہیں ملنا چاہئے  ۔پاکستانی عدالت کی طرف سے حافظ سعید کو خانہ نظر بندی سے رہا کرنے کے حکم کا خیر مقدم کرتے ہوئے انہوں نے کہا کہ یہ ایک قابل ستائش قدم ہے۔ ناہیدہ نسرین  نے  ہندوارہ اور کپواڑہ میں شہید ہونے والے مجاہدین کو بھی شاندار خراج عقیدت پیش کیا۔