عظمیٰ نیوزسروس
جموں// ارنیہ جموں ضلع کے رتانہ گاؤں میں بدھ کو ایک نوجوان پراسرار حالات میں درخت سے لٹکا ہوا پایا گیا۔حکام نے بتایا کہ مرنے والے کی شناخت سکندر کے طور پر کی گئی ہے جو کہ رتنا گاؤں کا رہنے والا ہے۔ لاش درخت سے لٹکتی ہوئی دیکھی گئی جس کے بعد پولیس کو اطلاع دی گئی۔پولیس ٹیموں نے موقع پر پہنچ کر لاش کو قبضے میں لے کر تحویل میں لے لیا۔ حکام نے مزید کہا کہ بعد میں اسے پوسٹ مارٹم کیلئے ہسپتال منتقل کر دیا گیا۔اس دوران ایک پولیس افسر نے بتایا کہ ایک کیس درج کر لیا گیا ہے اور تحقیقات شروع کر دی گئی ہے۔
